Listas de espera

Na Galiza hai actualmente 3.186 persoas agardando a seren atendidas por un ou unha psicóloga clínica no Sergas, cun tempo medio de espera de 55,7 días. Así o confirmou Sanidade a 'Nós Diario' a través dunha solicitude de transparencia. Porén, o dato estraña ás propias profesionais, que falan de "até seis meses de agarda" e advirten da saturación dun servizo que conta coa peor ratio de persoal do Estado após Andalucía. A Xunta comprometeuse a efectuar 45 contratacións até 2024, mais daquela a ratio seguirá a estar por baixo da media estatal.

Trátase dun concurso público de 16,5 millóns e de dous anos de duración, segundo a denuncia da CIG.

Profesionais e usuarias da sanidade pública manifestáronse pola rúas de Vigo convocadas pola xunta de persoal da área sanitaria. Como representantes das traballadoras e traballadores tanto dos servizos de Atención Primaria como de Atención Hospitalaria, avogan por retomar as mobilizacións e recuperar a confianza da cidadanía no nivel básico da asistencia sanitaria. A Atención Primaria está no centro do sistema, urxe un cambio de modelo e debe ir máis aló das demandas expresas das pacientes. É o principal garante dos principios de equidade e accesibilidade á sanidade pública. 

É o principal motivo de malestar co sistema sanitario público. Mentres os responsábeis da Xunta da Galiza destacan a mellora dos tempos de espera na sanidade galega, malia os atrasos provocados pola paralización da actividade como consecuencia da pandemia, profesionais da saúde ou organismos independentes poñen en cuestión os datos fornecidos polo Executivo galego. A Consellaría de Sanidade recoñece que máis de 300.000 galegas e galegos fan parte da lista de agarda de Atención Especializada con tempos de espera que nalgún caso superan os prazos legais. 

O Sergas presume de ter mellorado os tempos de agarda a respecto do pasado ano, cando se dispararon por mor da pandemia, mais os rexistros nas cirurxías e as probas diagnósticas son aínda superiores ao estabelecido na Lei de garantías de 2014. Aliás, diferentes plataformas advirten que as cifras serían moito maiores.

A Asociación de Pacientes e Usuarios do CHUS denuncia o que cualifica como “unha decisión ilóxica e antisocial que lesiona o dereito á atención sanitaria”.

A pandemia da Covid-19 ocasionou un atraso asistencial que as listas de espera hospitalaria esbozan sen chegar a reflectir a realidade da demanda sanitaria e dos tempos de agarda aos que se vén sometidos os doentes. A transparencia das listas de agarda é unha vella reivindicación de pacientes e sindicatos que piden aclarar os criterios que rexen as esperas e facer públicos todos os rexistros para unha mellor das demoras e da saúde das persoas.

A Xerencia do CHUS responde a M.M.R. que a súa operación se realizará no prazo previsto legalmente, 90 días, cando xa leva 399 días en agarda para ser intervido.

Segundo revelou a Asociación Española Contra o Cancro coincidindo co día mundial contra esta doenza, durante o confinamento produciuse un descenso de 21% en novos diagnósticos e a paralización dos programas de cribado que permiten unha detección precoz de moitos tumores. As conclusións son xerais para todo o Estado e sinalan, tamén, unha diminución das probas diagnósticas de seguimento das pacientes oncolóxicas. Doentes galegas con cancro confirman coa súa experiencia demoras que son anteriores á pandemia e que nos convidan a achegarnos aos tempos oficiais de espera divulgados polo Sergas. 

 Ademais dunha mortalidade directa moi elevada, a Covid-19 deixa un aumento de patoloxías graves que complica a supervivencia entre pacientes con enfermidades curábeis e reduce tanto a calidade como a esperanza de vida. Son consecuencia da deterioración do propio sistema sanitario, paralizado tras a chegada do coronavirus. Profesionais e usuarias urxen reactivalo. Piden circuítos seguros na Atención Primaria e a redución das listas de espera hospitalaria.

A Xunta apunta á redución das listas de espera, de 8.000 persoas a 5.000, e tamén dos tempos, que hai un ano superaban os 41 días.

O Sergas suma case tres meses de demora na publicación das listas de espera sanitarias, as primeiras afectadas polo coronavirus e a interrupción da actividade regular nos hospitais.

Paciente e usuarias da sanidade pública denuncian as demoras e o abandono do Sergas no marco do plan de reactivación da asistencia hospitalaria após a fin do confinamento. A paralización da atención especializada durante semanas suspendeu probas e tratamentos que agora acumulan até un ano de demora.

As estatísticas do Ministerio de Sanidade indican que o tempo medio de espera para unha intervención cirúrxica na Galiza é de 55 días. É o dato oficial a 31 de decembro de 2019, data na que os rexistros recollían 35.720 persoas pendentes de operarse e 166.827 á espera dunha primeira consulta especializada.

Galiza pechou 2019 cun tempo medio de espera cirúrxica de 54,5 días. Unha marca, explica o Servizo Galego de Saúde, que mellora todos os rexistros históricos e sitúa o territorio galego entre os que ofrecen os indicadores máis sobresalientes do sistema estatal de saúde. Fronte ás cifras ofrecidas polo Sergas, representantes das usuarias e do colectivo médico, reclaman a publicidade dos tempos reais de todos os procesos que asiste a sanidade pública.

Na Galiza, os expedientes en materia de dependencia tardan unha media de 342 días en seren tramitados, un período que se encadra por baixo da media estatal.

Na Galiza temos poucas camas hospitalarias —apenas 3 por cada mil habitantes— se nos comparamos co promedio da UE —por volta de 5— ou se temos en mente as recomendacións da OMS —entre 8 e 10. Mais a situación aínda é peor no verán. Por volta de 1.000 prazas hospitalarias vense desmanteladas no período vacacional que vai de xuño a setembro. A Xunta di que ten todo baixo control e que a calidade asistencial está garantida. Os sindicatos e a Plataforma SOS Sanidade Pública ven no encerramento de camas unha deficiente planificación dos recursos por parte da Consellaría e as secuelas dunha década longa de recortes.

Aprazan até 2020 peticións facultativas de probas que non deberían demorarse máis de 3 meses. A Xerencia nega a veracidade desas denuncias.