O presidente da Xunta, Alberto Núñez Feixoo, afirma que preferiría que as crianzas manteñan a máscara posta durante os recreos mentres non conten con dúas doses da vacina contra a Covid-19.
As palabras do dirixente do Partido Popular (PP) chegan despois de que o Goberno español anunciase a fin das máscaras en exteriores e nos patios dos centros educativos a partir da quinta feira.
Feixoo tamén afirmou que trasladou ao comité clínico se esta medida contradí o protocolo educativo deseñado polo Executivo español, xa que, segundo o presidente do Goberno galego, existe unha "contradición" entre estas dúas nomativas.
Tamén criticou ao Goberno español por non "clarificar" se o protocolo educativo queda deposto con esta nova normativa, e acusouno de actuar con "bastante improvisación".
"Retirar" as máscaras
Hai catro meses, en outubro do ano pasado, a postura do presidente da Xunta era a contraria. Naquela altura, Feixoo abogou por "retirar" as máscaras nos recreos.
O presidente da Xunta, nun acto en Andalucía naquel momento, afirmou que estaba a estudar se, a pesar de que a lei que rexe o emprego das máscaras é estatal, "legalmente" unha autonomía podía determinar a retirada das máscaras.
"Se a lei o permite, valorarémolo no comité clínico de Saúde", manifestou Feixoo en outubro.