sábado 04.04.2020

Un mozo propina unha puñada a Rajoy durante un paseo electoral por Pontevedra 

O autor do golpe, de 17 anos, foi detido no momento e asegurou que está "moito contento de telo feito". O agresor é familia da muller do presidente do goberno, afirma 'La Voz'. Vídeo no Interior

(Imaxe: Pontevedra Viva)
(Imaxe: Pontevedra Viva)


Un mozo de 17 anos propiniou na tarde desta cuarta feira unha puñada ao líder do Partido Popular, Mariano Rajoy, durante un paseo electoral en Pontevedra.  O autor golpeou a Rajoy cando este falaba con veciños e veciñas xunto á praza da Peregrina de Pontevedra. As gafas do presidente do goberno ficaron rotas no chan tras o golpe. O agresor foi detido no momento polas forzas de seguridade. O menor asegurou en declaracións recollidas por 'El Pais' que está "moito contento de telo feito".

Según La Voz de Galicia, o agresor é familiar da muller de Mariano Rajoy. pois é fillo dunha curmá da compañeira do presidente do Goberno español.

Rajoy centrou a súa campaña esta cuarta feira en Galiza. A primeira hora da tarde paseou por Vigo e despois dirixiuse a Pontevedra, acompañado do presidente da Xunta, Alberto Núñez Feijóo. Malia a puñada, confirmou que pechará o día na Coruña cun mitin ás 20 horas.
 

comentarios