Máis de 10.000 israelís protestaron este sábado pola noite na praza Rabin de Tel Aviv, capital de Israel, contra as accións violentas que deixaron xa case 2.000 palestin@s mort@s nas últimas semanas, entre eles multitude de mulleres e nen@s.
A actividade desenvolveuse baixo o lema 'Cambiade a dirección: buscar a paz, afastarse da guerra' e @s manifestantes saíron ás rúas por un chamado en redes sociais, logo de que unha protesta semellante fora prohibida polas autoridades.
Movementos pacifistas e de esquerda en solidariedade co pobo palestino, así como figuras do mundo da política e a cultura israelí como o escritor David Grossman ou a cantante Noa, estiveron participando na mobilización.
A protesta desenvolveuse dous días despois de que milleiros de simpatizantes de dereita e dos movementos ultranacionalistas e pro-colonos celebraran unha manifestación tamén en Tel Aviv para apoiar a intervención militar en Gaza.
Os medios locais informaron de que esta é a maior manifestación contra a guerra desde o último ataque de Israel á Franxa de Gaza.