acuanar.- Amañar, arranxar, achanzar. Incluso aplicábel ás persoas.
Exemplo.- “Acuánate un pouco, que estás mal aseado.”
Lugar de escoita.- Zona de Castrelo (Forcarei).
Fonte.- Manuel Cabada Castro.
aldau.- Trapo ou pano de cociña.
Exemplo.- “Dáme de aí ese aldau.”
Lugar de escoita.- San Xulián (Marín).
Fonte.- Sé Anxo Rosales González.
escalduxar.- Batuxar, lavar superficialmente, con pouca auga.
Exemplo.- “Con escalduxares o vaso abonda, que non che teño noxo.”
Lugar de escoita.- Nois (A Mariña luguesa).
Fonte.- Marco Candia.
folgazán.- (Ademais de significados obvios) Fregona, utisilio semellante á vasoira empregado para fregar o chan.
Exemplo.- “Colle o folgazán e seca esta auga que me caeu no chan.”
Lugar de escoita.- Burela.
Fonte.- Mario Ferreira López.
martabela.- (Ademais de significados xa rexistrados) Arca con fecho que se empregaba para gardar a roupa. Tamén martadela.
Exemplo.- “Dunha arca de madeira que se chama martabela.”
Lugar de escoita.- Sto. Adrián de Cobres (Vilaboa do Morrazo).
Fonte.- Sé Anxo Rosales González.
