cadroso.- Cadrozo, carozo; parte dura do medio da mazaroca de millo.
Lugar de escoita.- Manle - A Baña (A Coruña).
Fonte.- J. J. López.
carola.- (Ademais dos significados coñecidos e recollidos nos dicionarios) Noz.
Lugar de escoita.- Oza de Teo.
Fonte.- María Canosa.
Outros apuntamentos.- Refire a fonte que nos dicionarios recóllese caroleira como nogueira, pero non a palabra rescatada como o seu froito.
carrabolás.- Sinónimo de carrabouxo.
Exemplo.- 'O Pepe do Parola dicía': “é pequeniña coma un carrabolás.”
Lugar de escoita.- Sober (Lugo).
Fonte.- Ángeles Pérez López.
encarnadiña.- Caste de mazá do país, encarnada e pequena.
Lugar de escoita.- Santo Adrián de Veiga (Ortigueira).
Fonte.- Avelina Piñón Rodríguez. (X. Ortigueira).
tenreira.- Clase de pera do país.Non son moi grandes. Boa cor, entre amarela e castaña. Parécese á fariñenta na figura (tira a redonda).
Lugar de escoita.- Miño (A Coruña).
Fonte.- José Mª Rodríguez Allegue. (X. Ortigueira).
