cañota.- (Ademais de significados xa rexistrados) Castiñeiro oco por dentro.
Lugar de escoita.- O Courel.
Fonte.- Dun vocabulario courelao.
caruncho.- (Ademais de significados xa rexistrados) Anaco de madeira morta e podre.
Lugar de escoita.- O Courel.
Fonte.- Dun vocabulario courelao.
follaco.- (Ademais de significados xa rexistrados) Folla de millo que se utilizaba como recheo do colchón.
Lugar de escoita.- O sur de Galiza.
Fonte.- C. D. Atalaia de Vigo.
froima.- Frouma, folla de piñeiro.
Lugar de escoita.- Cerceda.
Fonte.- Santiago López Liñares/CPI O Cruce de Cerceda.
monllada ou mollada.- Brazado de verzas nun monllo/mollo.
Lugar de escoita.- O Barbanza.
Fonte.- Constantino Prego.
