Varandelas.- Esmorgante, persoa de pouco siso.
Exemplo: “O seu irmán é un varandelas”.
Lugar de escoita.- Escudeiros – Ramirás (Ourense)
Fonte.- Xoán Carlos Domínguez Alberte.
Xerbanista.- Nos grupos de música tradicional era a persoa encargada de tocar a caixa, o bombo e os pratos.
Lugar de escoita.- Moraña (Pontevedra).
Fonte.- Marcos Seixo.
Xustiño/a.- Dise da persoa que é escasa convidando ou facendo algún labor.
Lugar de escoita.- A Mariña.
Fonte.- Isidro Novo.
Zambanudo/a.- Persoa afouta, baril, atrevida, activa, con xenio.
Lugar de escoita.- Bisbarra de Navia.
Fonte.- Endl de Navia.
Zambro.- (Ademais de significados xa rexistrados) Persoa de pouca destreza e habilidade.
Lugar de escoita.- O Courel.
Fonte.- Dun vocabulario courelao.
Zarrapastrán.- Persoa vaga, deixada, que lle dá igual todo.
Lugar de escoita.- Illa de Arousa (Pontevedra).
Fonte.- Claudia Herron Mulet.
Outros apuntamentos.- O apañador de palabras supón que poida ser a fusión de zarrapastroso e pastrán.
Zocho.- (Ademais de significados xa rexistrados) Dise da persoa ignorante e desvergonzada.
Lugar de escoita.- O Courel.
Fonte.- Dun vocabulario courelao.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@