Como manter a transmisión familiar dun idioma nun contexto social no que esa lingua é cada vez máis minorizada até estar case desaparecida entre as capas máis novas da poboación en contextos urbanos? Debater e analizar esta cuestión é un dos obxectivos das VI Jornadas de Análise para o ensino popular que organiza a Comissom de Defesa da Língua da Gentalha do Pichel baixo o lema ‘A herdança negada’.
As xornadas terán lugar o 5 e 5 de abril na capital galega. Tomarán parte nas mesmas nomes como Marcos Abalde, mestre, poeta, dramaturgo e activista do Projeto Educativo Semente; ou Renee de Palma Ungaro, da Faculdade de Ciencias da Educación da UDC
Tamén fan parte do programa a catedrática de sociolingüística Bernadette O'Rourke; o doutorando Sociolinguística na Universidade Heriot-Watt en Edimburgo Alejandro Dayán; Carme Junyent - profesora de Linguística na Faculdade de Filoloxia da Universidade de Barcelona- e Malores Etxeberria, historiadora e técnica de língua basca e coordinadora do programa A chave está na casa, experiencia municipal para impulsionar a transmisión familiar da língua en Hernani.
Programa:
5 abril
18h00
Trauma psicosocial en contextos de perda de lingua e terror de Estado. A función reparadora do galego
Marcos Abalde
19h15
Pausa para café
19h30
Cando a transmisión encontra obstáculos decisivos. A transmisión en contextos de minorización: da comunidade hispana dos EUA ao caso galego
Renee de Palma Ungaro
Neofalantes ou como re-iniciar a transmisión cando se salta unha xeración
Bernadette O’Rourke
6 abrill
10h00
Experiencias de transmisión familiar na Galiza do século XXI. Encontro de nais e pais galego falantes
Grupo de traballo dinamizado por Bernadette O’Rourke e Alejandro Dayán
17h00
Conclusións do encontro
Bernadette O’Rourke e Alejandro Dayán
17h30
A transmisión familiar das linguas de inmigración na Catalunya
Carme Junyent
18h45
Pausa para café
19h00
Etxeak du giltza/A chave está na casa: unha experiencia municipal para impulsionar a transmisión familiar da lingua em Hernani
Malores Etxeberria
