O presidente do Goberno español, Pedro Sánchez, ultima esta mañá o seu novo Goberno, que prevé dar a coñecer hoxe mesmo. A estas alturas xa se sabe que a anterior ministra, María Jesús Montero, foi ascendida a vicepresidenta cuarta.
Durante esta pasada lexislatura, a titular de Facenda tivo un papel fundamental en materia orzamentaria, e agora compaxinará esta mesma función mentres ocupa a vicepresidencia. Sánchez tamén fichou como ministro de Industria o ex alcalde de Barcelona, Jordi Hereu. Pola súa parte, Ángel Víctor Torres, ex presidente de Canarias, será o ministro de Política Territorial e Memoria Democrática.
A formación do Executivo prodúcese despois de que a semana pasada o bloque de investidura dera 179 votos a Sánchez para ser reelixido presidente. A sexta feira prestou xuramento diante de Felipe VI, e esta segunda feira prevé completar o traballo cunha executiva de perfil político "máis alto". Posibelmente, Podemos non terá ningunha cadeira nogGoberno, o que alargaría a diferencia entre o partido e Sumar.
Co ascenso de Montero amplíanse a catro as vicepresidencias do Goberno español, todas elas mulleres. Así, ademais de Montero, Sánchez revalidará as tres vicepresidencias da pasada lexislatura: Nadia Calviño, vicepresidenta primeira; Yolanda Díaz, segunda; e Teresa Ribera, vicepresidenta terceira. Na executiva seguen tamén Fernando Grande-Marlaska, José Manuel Albares, Margarita Robles e Luis Planas.
Quen non continúa é José Manuel Miñóns. O que fora alcalde de Ames poloPSdeG e delegado do Goberno español na Galiza tomou posesión como ministro o pasado 28 de marzo.
Composición do novo Goberno español:
Presidente do Goberno español: Pedro Sánchez
Vicepresidenta primeira: Nadia Calviño (Economía)
Vicepresidenta segunda: Yolanda Díaz (Traballo).
Vicepresidenta terceira: Teresa Ribera (Transición Ecolóxica)
Vicepresidenta cuarta: María Jesús Montero (Facenda e Función Pública)
Ministro de Xustiza e Presidencia: Félix Bolaños
Ministro de Asuntos Exteriores, UE e Cooperación: José Manuel Albares
Ministra de Defensa: Margarita Robles
Ministra de Igualdade: Ana Redondo
Ministro do Interior: Fernando Grande-Marlaska
Ministro de Transportes: Óscar Puente
Ministra de Educación, Deportes e portavoz do Goberno: Pilar Alegría
Ministra de Vivenda e Axenda Urbana: Isabel Rodríguez
Ministro de Industria: Jordi Hereu
Ministro de Agricultura, Pesca e Alimentación: Luis Planas
Ministro de Política Territorial e Memoria Democrática: Ángel Víctor Torres
Ministro de Cultura: Ernest Urtasun
Ministra de Sanidade: Mónica García
Ministro de Dereitos Sociais, Consumo e Axenda 2030: Pablo Bustinduy
Ministra de Ciencia, Innovación e Universidades: Diana Morant
Ministro de Transformación Dixital: José Luis Escrivá
Ministra de Seguridade Social e Políticas Migratorias: Elma Saiz
Ministra de Infancia e Mocidade: Sira Rego