Un discurso de Erdogan en Ankara anunciou a operación militar de Turquía no norte de Siria nun territorio en disputa entre o Estado Islámico e as milicias curdas. En teoría o target da ofensiva sería facerse co control da fronteiriza cidade de Jarablus, actualmente en mans do Daesh. Os curdos achan, en troca, que o que Turquía tenciona é que eles -após avanzaren nas últimas semanas- non se apoderen tamén dese enclave estratéxico.
A operación foi baptizada como Escudo do Eufrates e está sendo apoiada pola aviación da coligazón que lidera os EUA.
O bombardeamento do norte de Siria por parte de artillaría turca comezou moi cedo esta cuarta feira, segundo enviados especiais de Reuters.
O ministro de Asuntos Exteriores de Turquía, Mevlut Cavusoglu, advertiu ás milicias curdas que se sitúen ao leste do Río Eufrates ou, caso contrario, o seu exército "fará o que sexa necesario".
O Partido da Unión Democrática curdo, a organización que controla diversas cidades no norte de Siria e que ten lazos fraternos co PKK de Öcalan, afirmou através dun portavoz en Moscova que o obxectivo real de Ankara é evitar que as milicias curdas -após tomaren a cidade de Manbji- fixeran o propio coa de Jarablus.
