Catro soldados sirios morreron e outros catro resultaron feridos tras o ataque aéreo israelí contra obxectivos nas inmediacións de Damasco, reportaa axencia SANA. Preto da capital siria escoitáronse explosións.
Segundo unha fonte militar da axencia siria, a agresión perpetrouse desde os Altos do Golán ao redor na madrugada da segunda feira (hora local).
O ataque provocou a activación dos sistemas de defensa antiaérea que interceptaron e derrubaron algúns dos proxectís lanzados, pero non se logrou evitar vítimas e danos materiais.
Ataques israelís
Con este ataque, Israel continúa a súa escalada bélica contra países como Palestina ou Siria que xa deixan decenas de mortes no que vai de ano.
No pasado mes de xullo o exército de Israel asasinou oito persoas e deixou cerca de 50 feridas no marco dunha operación lanzada na cidade cisxordana de Xinín, que incluíu bombardeos contra varios puntos da localidade e ataques contra o campo de refuxiados da cidade, segundo confirmaron as autoridades palestinas.
O Ministerio de Sanidade palestino sinalou que das 50 persoas feridas, até 10 quedaron en estado crítico.
![Sira Rego é ministra con Sumar. [Imaxe: Alberto Ortega / Europa Press]](/asset/zoomcrop,480,270,center,center/media/nosdiario/images/2024/05/01/2024050122045973661.jpg)
