Un asalto a grande escala levado a cabo esta segunda feira polas forzas israelís contra o campo de refuxiados de Balata en Naplusa, no norte de Cisxordania, deixou polo menos tres palestinos mortos, segundo informou unha fonte oficial.
Segundo o Ministerio de Sanidade palestino, as vítimas mortais foron Fathi Jihad Rizq, de 30 anos, Abdullah Yousef Abu Hamdan, de 24, e Mohammad Bilal Zeitoun, de 32, segundo informou a axencia de noticias palestina Wafa.
Feridos
A fonte indicou que o asalto israelí tamén deixou seis persoas feridas, entre elas dous menore156s.
Durante a redada, as forzas israelís irromperon en decenas de casas do campamento e fixeron estoupar unha casa familiar, ferindo dous menores con metralla. Cos asasinatos desta segunda feira, o exército israelí matou polo menos 156 palestinos este ano, incluídos 26 menores.
Tras os asasinatos, o portavoz da Presidencia palestina, Nabil Abu Rudeineh, condenou a incursión israelí.
O funcionario afirmou que é unha “verdadeira masacre e unha continuación da guerra total de Israel contra Palestina”.
Sinalou que a continua agresión contra a cidade de Naplusa, as súas aldeas e campamentos por parte das forzas de ocupación e dos colonos extremistas é un “gran crime de guerra e castigo colectivo que debe rematar inmediatamente”.
