No que vai de ano nos Estados Unidos de América (EUA), se sumamos asasinatos e suicidios, producíronse case 300 mortes con armas de fogo.
Visit https://t.co/GKwiFAZQKg for up-to-date statistics and information pic.twitter.com/QeaVZ9VbhI
— The Gun Violence Archive (@GunDeaths) January 3, 2023
Así o informou a organización non gobernamental (ONG) Gun Violence Archive (GVA) esta terza cuarta a través dun comunidado.
O número exacto é de 151 persoas que perderon a vida ao seren atinxidas por unha bala de forma intencionada ou non, segundo a base de datos da GVA que se actualiza en tempo real.
Esta base de datos contempla tamén a variábel da idade, e desta maneira achega tamén información sobre os menores que se viron afectados.
O cálculo que a GVA presenta con respecto a este grupo é de tres menores de 11 anos e 13 adolescentes que perderon a vida por ferida de bala.
Os datos dos que dispón a Gun Violence Archive proveñen da información publicada por parte dos Centros para o Control e a Prevención de Enfermidades (CDC), así como tamén doutras 7.500 fontes.
Tiroteos masivos
Esta ONG recolle tamén datos a respecto de tiroteos masivos, e conclúe que foron 7 os tiroteos deste estilo. Cinco deles producíronse o día 1 de xaneiro e o resto o día 3.
Xa no 2022 a GVA achegou o dato de que foron 45.000 persoas as que morreron por violencia armada.
Mark Bryant, director executivo de GVA, afirma que a cifra de vítimas no ano 2022 reduciuse con respecto a 2021. Porén, amosouse preocupado, pois segundo a tendencia destes días estase a producir, aproximadamente, un tiroteo masivo diario.
