O prezo promedio da luz para os clientes de tarifa regulada vinculados ao mercado maiorista ascenderá esta segunda feira até os 117,49 euros por megavatio hora (MWh), o que supón un incremento do 54,37% fronte aos 76,11 euros/MWh deste domingo.
Na poxa, o prezo medio da luz no mercado maiorista -o chamado pool- sitúase esta segunda feira en 117,51 euros/MWh. O prezo mínimo, de 89,98 euros/MWh, prodúcese entre as 2 e as 3 horas, mentres que o prezo máximo rexistrarase entre as 20 e as 21 horas, cando será de 174,49 euros/MWh.
A este prezo do pool súmase a compensación para as gasistas, que deberán aboar os consumidores beneficiarios da medida, os consumidores da tarifa regulada (PVPC) ou os que, malia estar no mercado libre, dispoñan dunha tarifa indexada, que para esta segunda se sitúa en 0 euros/MWh.
Neste sentido, o prezo medio da luz até o 27 de febreiro situouse en 131,99 euros/MWh, é dicir, o dobre da media de 67,46 euros/MWh do mesmo período do mes pasado. Hai un ano, o prezo medio da electricidade era de 197,34 euros/MWh.
O 'mecanismo ibérico', que entrou en vigor o pasado 15 de xuño, limita o prezo do gas para a xeración eléctrica a unha media de 48,8 euros por MWh durante un período de doce meses, cubrindo así o próximo inverno, período no que os prezos da enerxía son máis caros.
En concreto, a 'excepción ibérica' marca unha senda para o gas natural para a xeración de electricidade a partir dun prezo de 40 euros/MWh nos seis meses iniciais e, posteriormente, un incremento mensual de cinco euros/MWh até o remate da medida.
