Un total de 148 licenzas para as construción de novos edificios foron concedidas na Galiza no mes de abril, o que supón 16% menos que un ano antes, segundo os datos que publica o Instituto Galego de Estatística (IGE) esta segunda feira.
Así, estas licenzas darán lugar á creación de 186 novas vivendas, o que se traduce tamén en case 17% de baixada en comparación con abril de 2022.
Edificacións xa existentes
Pola súa parte, sobre edificacións xa existentes concedéronse licenzas para 147 obras de rehabilitación, de forma que aumentan un 18,5% na comparativa interanual.
No tocante ás demolicións de edificios, o mes de abril deixa 22 na Galiza, tres menos que 12 meses antes.
As vivendas demolidas foron 25, case o dobre que un ano antes.
