A auga comezou a cotizar no mercado de futuros de materias primas de Wall Street pola escaseza deste ben e cuxo prezo fluctuará agora como o fai o petróleo, o ouro ou o trigo.
O índice Nasdaq Veles California Water baséase nun indicador de prezos da futuros da auga en California que cotizaba a 486,53 dólares por acre-pé, medida de volume utilizada en Estados Unidos equivalente a 1.233 metros cúbicos.
O prezo da auga en California duplicouse no último ano segundo este indicador e coa maior escaseza. Agricultores, fondos ou concellos poderán protexerse ou especular por cambios no prezo.
Segundo a ONU 2.000 millóns de persoas viven en países con graves problemas de acceso á auga, mentres que nos próximos anos dous terzos do planeta poderían experimentar escaseza de auga
Aínda que o índice está baseado nos prezos das principais concas fluviais de California, onde aumenta a escaseza, este valor poderá ser usado como referente mundial.
Estes contratos de futuros non requiren entrega física de auga e son só financeiros, baseados no prezo semanal das cinco principais bacías de California até 2022.
China e Estados Unidos son os principais consumidores do mundo de auga e segundo a Organización das Nacións Unidas (ONU), 2.000 millóns de persoas viven en países con graves problemas de acceso á auga, mentres que nos próximos anos dous terzos do planeta poderían experimentar escaseza de auga.
En gran parte dos estados do mundo a auga é considerada un ben de dominio público, se ben existen concesións e licencias sobre o dereito de uso da auga. Isto, o dereito de uso, é o que chega a Wall Street e que xa advirten que o “negocio” con este ben ou recurso vai agravar aínda máis a situación.
