Adrián Alonso Pereira, ‘Pola’, é novo xogador do Noia Portus Apostoli FS.
O equipo de Tomás de Dios engade ao seu esquema a un dos mellores xogadores da Liga Nacional de Fútbol Sala na última década, na que levantou o campionato de Europa de seleccións e numerosos títulos a nivel de clubs.
Pola comezou a súa andaina no fútbol sala no Redondela, de onde deu o salto ao autos Lobelle de Santiago, onde logrou medrar da man do que será de novo o seu preparador no Noia, Tomás de Dios.
O seu gran rendemento na capital serviulle como plataforma para saltar ao todopoderoso Movistar Inter, no que emerxeu como un futbolista único.
O pasado mes de xaneiro regresou ao club interista tras pasar a anterior tempada e media no SC Braga portugués e no Sandro Abate italiano.
En total, no seu palmarés figuran dúas UEFA Futsal Cup, seis Ligas, cinco Copas de España, dúas Copas do Rei, seis Supercopas de España e dúas Copas Galiza.
