jazz

Jazzliza: a nosa voz de sempre nas nosas voces de hoxe. De Afonso X a Xela Arias, é un concerto coa Big Band do Conservatorio Superior de Música da Coruña que decorrerá o 6 de maio, ás 20 horas, no Teatro Colón da cidade.

Desde hoxe está dispoñíbel en todas as plataformas dixitais o novo de Sumrrá, 7 Visións. Un sétimo disco nado no ano da pandemia e que neste abril comezou a viaxe das actuacións ao vivo en Menorca e Compostela. Nós Diario conversa con Xacobe M. Antelo sobre o novo traballo e os 21 anos do trío de jazz Sumrrá.

A Deputación da Coruña vén de presentar o novo ciclo “Maio Jazz”, que se desenvolverá no escenario do Teatro Colón da Coruña todos os domingos do mes. Unha iniciativa para a que se vai contar coa música de Oîma, Pablo Sanmamed, María Toro e Margarida Mariño.

O camiño de Santiago tamén pasa polo jazz. O guitarrista David Regueiro publica un disco no que as harmonías galegas se incrustan nas estruturas dun xénero capaz de absorbelo todo. 'O camiño' inspírase na música tradicional  sen perder a esencia jazzística dun cuarteto que explora novos camiños pola ruta da tradición. 

A experiencia de música totalmente improsivada da Orquestra Galega de Liberación, estreada no Teatro Principal de Compostela o pasado 12 de setembo, chega agora en formato disco. O director e promotor do proxecto, Xacobe Martínez Antelo, explica a 'Nós Diario' as súas chaves e a esencia desa liberación polisémica.  
 

Abe Rábade presenta un traballo reflexivo en Piano solo entre árbores, un proxecto audiovisual no que o pianista ofrece obras ideadas e traballadas durante o confinamento e que se pode ver no Portal da Lingua Galega e tamén en YouTube.

O primeiro disco de Zumaque, 'Silván', viu a luz a finais do pasado ano, consolidando a orixinal aposta desta formación, actualmente xa cuarteto. Repasamos da man do clarinetista Pablo Pascual, compositor dos temas, as liñas deste traballo de fusión que atopa na improvisación o nexo de tres formas de entender a música, a que bebe do jazz e as que afondan raíces nas tradicións galega e bretoa.

Na brétema as liñas continuas desaparecen e a paisaxe torna amalgama de formas difusas. Dificilmente podería atopar Néboa mellor nome para a súa procura doutras sonoridades, afastándose dos límites con vontade transgresora, para desafíar as estruturas do jazz conciliándoo cun pop de pegada electrónica, que rescata tamén trazos da música tradicional, devolvéndolle, se cadra, a esencia máis popular en lóxicas contempóraneas. Destas e moitas outras capas componse 'A realidade enganosa'.

Coa liberdade creativa e ornamental como bandeira, desde a falta de consenso na interpretación dos rexistros conservados, o contrabaixista Pablo Sanmamed leva ao terreo do jazz as cantigas de Afonso X no seu último disco, 'Ben Vennas Maio'.

Desde que nos anos 80 o jazz fixo a súa aparición na Galiza, foi para ficar entre nós para sempre. O xénero segue vivo hoxe e goza de plena saúde, nada ten que envexar do que se está a facer noutras partes do Estado ou na nosa irmá e veciña Portugal, que contan cunha tradición máis longa neste xénero musical. Beban nas fontes do jazz europeo ou se nutran das primixenias raíces americanas, ou mesmo procuren a mestura con outras músicas, os nosos creadores, pertenzan a unha ou a outra xeración, son os garantes da súa permanencia e evolución.

O presente artigo tenta ser unha achega ao coñecemento da historia do jazz de noso. Recrea e amplía o texto da exposición da nosa autoría A Galiza a todo jazz, que se puido visitar na Sala de Exposicións do Auditorio Municipal de Cangas durante a celebración do XIX Festival Internacional de Jazz, Canjazz, a finais de agosto de 2016. A exposición estaba dedicada a Juan Claudio Cifuentes “Cifu”, gran divulgador desta música nos medios de comunicación, e sempre atento ás novidades discográficas que lle chegaban da Galiza e aos seus novos talentos emerxentes. Do seu programa radiofónico, en homenaxe, collemos emprestado parte do título que hoxe toma este artigo.

O jazz galego leva moitos anos gozando de boa saúde. Durante as últimas dúas décadas músicos como Abe Rábade, Paco Charlín ou agrupacións como Sumrrá veñen achegando as súas propostas persoais no marco deste xénero, onde pouco a pouco irían collendo o relevo músicos como o pianista Xan Campos, o guitarrista Virxilio da Silva ou o batería Iago Fernández, todos eles presentes, en maior ou menor medida, en Realismo, o último traballo do trío de Xan Campos.
 

"Todo chega pasado polo filtro da miña cabeza", explica Penim do estilo ecléctico do disco. A compositora presentou esta semana 'Cantos de terra e sal'.

O xestor da libraría especializada en poesía Chan de Pólvora, Quico Valeiras, recibiu o premio á Iniciativa Cultural ou de Fomento da Lectura da Gala do Libro Galego unha semana após anunciar o feche do negocio.

O saxofonista estadounidense Charlie Parker, 'Bird', supuxo un antes e un despois no mundo do jazz. O seu legado aínda perdura e forma parte da formación de numerosos músicos e músicas na actualidade. O 30 de agosto en Lugo, coincidindo co que tería sido o centésimo aniversario de Parker, máis dun cento de jazzistas  da Galiza xuntaranse para tocar a súa música durante cinco horas como tributo. 

Un grupo e amigos amantes do xénero puxeron en marcha o Festival de Jazz de Lugo, que en novembro celebra os seus trinta anos.

A edición deste ano transcorrerá de 14 de a 16 de agosto, no Cantón de Molíns.

nha cuarta edición "máis galega ca nunca"

Rosa da Vila foi unha pandeireteira, cantadora e compositora da Vila da Igrexa, no concello de Cerceda. Sobre as súas melodías, o seu neto, o músico Ricardo Casás, artellou o proxecto Fuliada na Vila. Coa metodoloxía do jazz, Casás publicará un disco que xa sooou este mes en Compostela.