Inditex

CIG-Servizos, maioritario nesta empresa nas catro provincias galegas, anuncia unha campaña de denuncia das condicións laborais.

UGT considera que as resolucións desmontan a “fraude na contratación” da empresa.

Inditex aposta en estender nas súas tendas galegas as máquinas de autocobro, co que a multinacional aforra cartos a costa de evitar a contratación do persoal necesario, co conseguinte deterioro das condicións laborais. Unha campaña da CIG denuncia esta situación e chama a mobilizarse.

Fundador e máximo accionista do xigante Inditex, Amancio Ortega costumaba colocar os seus investimentos en imóbeis de luxo. Aos seus 82 anos, fai unha pequena excursión ao sector tecnolóxico ao comprar por 378,8 millóns de euros 10 por cento de Telsiux, unha filial de Telefónica.

Demanda que 60 contratos eventuais pasen a indefinidos. Este ano, Inspección de Traballo xa tería obrigado o xigante textil a regularizar a situación de 30 traballadoras temporais.

“As condicións dos homes que traballan en Inditex están moi por riba das das mulleres”, denunciou esta maña a secretaria confederal de Igualdade da CIG, Margarida Corral. Referíase ás tendas do grupo Inditex, en que a fenda salarial chega aos 300 euros.
 

Esta cuarta feira un grupo de traballadores ocupaba a tenda insignia de Zara na Coruña para denunciar a precariedade laboral dos operarios de montaxe e reforma das tendas do grupo Inditex. Mario Maceiras, da Federación da Construcción e Madeira da CIG, fala dun sector con xornadas interminábeis, baixos salarios e presión patronal para evitar a organización sindical dos operarios.

A cidade foi unha das primeiras nas que se instalou a marca, que agora xustifica a clausura na “falla de rendabilidade”. O alcalde tratou de convencer Zara de que seguise.

O portavoz de En Marea no Congreso denunciou nas redes sociais a discriminación do galego nos estabelecementos comerciais de Inditex. Miguel Anxo Fernán Vello lamentou en twitter que o emporio de Amancio Ortega use o catalán e o eusquera nas tendas de Catalunya e Euskadi e non o galego nas de Galiza.
 

Falamos con Transi Fernández, da CIG, sobre a greve das traballadoras de Bershka, do grupo Inditex, na provincia de Pontevedra. "Non é doado montarlle unha folga a Amancio Ortega", recoñece, e aponta unha das consecuencias: cero cobertura dos principais meios.

Xornadas maratonianas, precariedade, salarios decrecentes e estrés, marcan as condicións laborais dos traballadores das empresas que contrata a multinacional de Amancio Ortega na montaxe das tendas de Zara no exterior. Un volume de negocio de 15.946 millóns de euros -un 16% máis que en 2011-, beneficios despois de impostos por valor de 2.361 millóns -un 22% máis-, un plantel que xa supera as 120.000 persoas -10.800 máis do que no exercicio anterior- e unha arañeira de máis de 6.000 tendas nos cinco continentes que reflicte unha presenza cada vez maior en todo o planeta.

Ortega está entre os arrendadores de inmobles para tendas do xigante do téxtil que fundou e do que émáximo accionista. A maioría dos contratos expiran en dous anos.

A transnacional do téxtil indemnizou os operarios galegos que denunciaron a súa explotación laboral na remodelación da sede central de Zara en Zurich (Suíza). 

O fundador do imperio téxtil cobrará 894 millóns de euros dos 1.371 millóns que repartirá Inditex entre o seu accionariado. 

Operarios da construción que traballan na instalación dunha nova tenda de ZARA en Zurich levan 4 días de paro denunciando a explotación laboral á que, din, os somete Inditex. Denuncian xornadas laborais de 12 horas diarias e dumping salarial após percibiren 900 euros ao mes, condicións que violan os convenios colectivos do sector.