Emilia Docet

A Compañía Eléctrica leva aos escenarios a obra Miss Docet, unha peza baseada na vida de Emilia Docet, a 'Miss galeguista'. Iría Pinheiro, a actriz que protagoniza en solitario esta aventura, contou con María Reimóndez para escribir os diálogos dunha historia que procura recuperar parte da memoria roubada após 1936.

O novo traballo da Compañia Eléctrica estrearase este sábado en Tomiño. O texto, realizado por María Reimóndez e Iria Pinheiro, recupera a figura de Emilia Docet, a galeguista que foi 'Miss España' e participou no Mitin das Arengas o 24 de xullo de 1934 xunto a Castelao e Bóveda.