Seixo anuncia o momento "máis complicado" para a clase obreira "desde a caída da ditadura"
O secretario xeral da CIG, Xesús Seixo, escollido este domingo para outros catro anos no VI Congreso da central nacionalista, asegurou que a clase obreira galega se atopa "no momento máis complicado desde a caída da ditadura". Seixo fixo estas declaracións minutos antes de encetar o acto de clausura do Congreso, onde se anunciou a súa escolla para máis un mandato con 499 votos a favor, 50 en branco e 4 nulos.