As políticas da UE e dos gobernos galego e español "van empeorar", advertiu o sindicalista, sinalando con especial preocupación cara a todo o que ten a ver coa destrución de emprego e as "agresións", á negociación colectiva. "A patronal quixo debilitala e o goberno entroulle ao trapo", remarcou.
Tamén uns minutos antes de entrar ao acto de clausura falou coa imprensa o voceiro nacional do BNG, Xavier Vence, quen quixo subliñar a importancia para a clase obreira da Galiza "de contarmos cun sindicalismo nacionalista con visión política sobre os problemas do País".
Por derradeiro, cómpre salientar tamén que a Comisión de garantías da CIG saiu escollida por 512 votos a favor, 31 en branco e 9 nulos. A nova executiva confederal, pola súa banda, colleitou 508 votos a favor, 30 en branco e 15 nulos.
((Seguirá ampliación))
