ciudadanos

Coñecida polas súas declaracións públicas contrarias á normalización e promoción do galego e á toponimia oficial da Galiza, Marta Rivera de la Cruz, elixida deputada de Ciudadanos pola Coruña, será conselleira de Cultura e Turismo na Comunidade de Madrid.

Quen fora un dos fundadores e líder de Ciudadanos máis significados, Xavier Pericay, anunciou a súa demisión de todos os seus cargos no partido, incluído o seu posto no comité executivo estatal e da portavocía en Balears. A onda de abandonos nos organismos de dirección non cesa e acurrala cada vez máis a Albert Rivera.

“Non hai máis dramas", sentenciou a deputada de Ciudadanos por Pontevedra, Beatriz Pino, ao ser preguntada pola demisión da ex secretaria de programas do partido na Galiza. A crise no partido laranxa non dá tregua. Martín Amaro, da xunta directiva de Ourense destituída esta semana, anunciou que haberá máis saídas en todo o país debido á "actitude ditatorial e pouco democrática" do actual secretario de organización.

A dirección estatal de Ciudadanos tomou a decisión de destituír a xunta provincial do partido en Ourense, admitindo así a solicitude realizada pola dirección galega. Os motivos aludidos polo secretario de organización do partido na Galiza son a existencia de discrepancias coa xunta provincial, falta de confianza e deixamento das súas funcións políticas.

O acordo polo que Partido Popular e Democracia Ourensá repartiron o concello e deputación de Ourense é para o secretario de organización de Ciudadanos na Galiza, Laureano Bermejo, “o pacto da traizón” baseado unicamente nos “egoísmos persoais” e afirma que “por nada do mundo” a súa formación entrará no goberno local .·

O único aspirante a presidir o goberno central, Pedro Sánchez, reuniuse por separado co líder do PP e de Ciudadanos, Pablo Casado e Albert Rivera. O popular trasladoulle que o seu partido nin o apoiará nin se absterá en segunda votación para facilitarlle a investidura. Rivera trasladou o seu rexeitamento e emprazouno a pactar con Podemos e as formacións nacionalistas.  

O PP reúnese con Ciudadanos e Vox en todo o Estado para chegar a pactos na conformación de gobernos municipais o vindeiro 15 de xuño. O secretario xeral do PP, Teodoro García Egea, busca un acordo marco cos outros dous partidos para alcanzar o máximo poder posíbel após os fracasos electorais da dereita española no 26M.

A Deputación de Ourense é un auténtico fervedoiro e a liorta prosegue cun Baltar que rexeita o “veto” que Ciudadanos lle impuxo para pactar co PP. O presidente en funcións do ente provincial botou en cara ao partido laranxa que tal esixencia non corresponde cunha formación que unicamente conta “con nove edís na provincia” e convidounos a escoller entre pactar con el ou co nacionalismo.

O partido de Albert Rivera pon como condición para apoiar o PP na Deputación de Ourense que Manuel Baltar renuncie a presidir a institución provincial. Aseguran que o seu socio preferente é o Partido Popular.

Até seis membros de Ciudadanos que concorreran na candidatura municipal en Pontevedra abandonan o partido. Unha das baixas é a da concelleira durante o anterior mandato, María Rey, que perdeu a acta ao ser relegada á segunda posición na lista. Afirman atoparse molestas e molestos polas "formas" na elección do candidato.

O secretario de organización de Ciudadanos en Galiza e concelleiro eleito por Ourense, Laureano Bermejo, asegura en declaracións a Sermos Galiza que o seu partido está aberto a negociar o futuro goberno da Deputación de Ourense “sen pechar portas a ninguén”.

O grupo de música tradicional Treixadura vén de dirixirse a Ciudadanos para que retire “de inmediato” o tema “Se chove” da súa propaganda electoral.

Gregorio  Revenga Portela é o candidato de Ciudadanos á Alcaldía de Pontevedra. É optometrista da ONCE en Pontevedra desde 1987 e director técnico de Audiocentros Revenga. Coordina a agrupación local e provincial de Ciudadanos.

O eurodeputado Javier Nart e candidato de Ciudadanos á eurocámara viaxou a Galiza con motivo da campaña do 26M para alertar do “antieuropeísmo” e para avogar pola unidade dos partidos que avalan a UE (nos que englobou os referentes europeos do PSOE; PP e Cs).  

A formación laranxa adiantou o feche da campaña en Galiza a esta quinta feira.

A Xunta Electoral Central recibiu dous recursos onde PP e Ciudadanos esixen bloquear a candidatura ás eleccións europeas que encabeza Carles Puigdemont.

A xornalista Beatriz Pino naceu en Vigo en 1975 e encabeza a candidatura de Ciudadanos ao Congreso por Pontevedra. É licenciada en Xornalismo pola Universidade Carlos III de Madrid, e voltou a Galiza após traballar en Telemadrid e Antena 3. Coñece ben a organización e ideoloxía de Ciudadanos, xa que foi a responsábel de comunicación do partido na Galiza. Responde por correo electrónico o cuestionario formulado por Sermos Galiza.

A número 2 de Ciudadanos ao Parlamento europeo, Maite Pagazaurtundua, di ser “unha namorada da riqueza cultural”, mais explica que o galego non debe ser un requirimento na Galiza para "evitar barreiras".

A xunta electoral estima parcialmente os recursos presentados por Ciudadanos e insta a CRTVG a acordar “medidas compensatorias” a raíz da denuncia do partido de Rivera sobre a cobertura informativa das eleccións xerais.