Cangas

O secretario xeral da Lingua participa na presentación do libro inaugural da colección ‘Tesouro paleogalaico’ do Centro Ramón Piñeiro para a Investigación en Humanidades.

Plataformas veciñais e gobernos locais suman anos de protestas e reivindicacións no Morrazo en defensa da sanidade pública e moi especialmente da Atención Primaria, un servizo de proximidade que está a perder a súa esencia ante a falta de reposición de persoal e a concentración das consultas a varios quilómetros das casas.

O activo máis importante de calquera festival, máis aló dos espectáculos programados e dos cartos dispoñíbeis, é a xente que ten detrás traballando. No caso da Mostra Internacional de Teatro Cómico e Festivo de Cangas o equipo humano está capitaneado por María Armesto, unha muller todoterreo vencellada a este festival desde o ano 1998. Dramaturga e directora de escena, foi unha das impulsoras das xornadas Mulleres en Acción, que o ano que vén celebran o 25 aniversario. Entrevistamos a María Armesto, directora artística da Mostra Internacional de Teatro de Cangas desde 2014, para analizar o que pasou na 41 edición que acaba de rematar, para falar de teatro, botar a vista atrás e ver para adiante.

O 'Paseo da Fama' lembrará artistas convidadas nas últimas 19 edicións do evento.

Denuncian o impacto ambiental e na poboación do proxecto enerxético.

Durante a tarde da segunda feira, 1 de xullo, representáronse varios espectáculos de compañías non profesionais de teatro de toda Galiza.

Cangas acolle a Mostra Internacional de Teatro Cómico e Festivo. A Mostra Internacional de Teatro Cómico e Festivo de Cangas (MITCFC) comezou xa a súa segunda semana e estenderase até o domingo. Nunha edición máis, a asociación cultural Xiria volve encher diversos espazos da vila do Morrazo co teatro máis variado e contemporáneo da Galiza.

A traxectoria vital e artística da actriz María Casares (A Coruña, 1922- Alloue, Francia, 1996) centra a palestra que ofreceu a actriz galega Berta Ojea en Cangas dentro da programación das XXIV Xornadas Mulleres en Acción. "Era unha intelectual enorme”, afirma Berta Ojea, que auspiciou a publicación na editorial Kalandraka do libro ‘A única, María Casares’, da autora francesa Anne Plantagenet, con tradución de Isabel Soto.

Para a alcaldesa de Moaña, vila do Morrazo que leva catro anos sen PAC após Sanidade desprazar este servizos a Cangas, a proposta do xerente do Sergas “non mellorará o servizo” sanitario da comarca.

A CIG, CCOO e USO anunciaron esta terza feira a convocatoria de folga indefinida, na tempada de verán, para reclamar os pagos que non cobraron. Os sindicatos advirten do "completo colapso" do servizo nesa zona.

Colide co San Pablo en Burgos ás 20.30 desta cuarta feira. 

A escuadra galega reta o vixente campión.

Centos de pescadores e pescadoras concentráronse este sábado ante a lonxa de Cangas (O Morrazo) en contra dos proxectos de eólica mariña que se prevén levar a cabo nas costas galegas.

Ademais, tres persoas resultaron feridas

Efectivos de emerxencias buscan por terra, mar e aire a unha persoa que caeu ao mar tras envorcar unha planadora en Cangas (O Morrazo), un suceso ocorrido a última hora desta sexta feira. O aviso deuse pouco antes das 20 horas, cando un particular informou de que presenciara o suceso na Costa da Vela, á altura da parroquia do Hío. Segundo dixo, o tripulante caera ao mar e non era capaz de velo na auga. No momento, activouse un operativo coordinado por Salvamento Marítimo e que conta coa participación de persoal do 061, Servizo de Gardacostas da Galiza, Garda Civil e membros de Protección Civil de Cangas por terra. Á primeira hora deste sábado renováronse os labores de procura, nos que participan o helicóptero de Salvamento Marítimo, así como embarcacións de rescate de Salvamento, do Servizo de Gardacostas e da Garda Civil, que tamén mobilizou os efectivos do Grupo Especial de Actividades Subacuáticas (GEAS).

A plataforma SOS Sanidade Pública concentrouse onte ante o Parlamento da Galiza, coincidindo co Día Internacional da Atención Primaria, para entregar por rexistro as trece medidas "urxentes" que propuxo na Iniciativa Lexislativa Popular o pasado ano. As carencias nos centros de saúde e nos PAC centraron as protestas.

Catro persoas resultaron feridas na noite desta segunda feira nunha colisión entre tres vehículos ocorrida na localidade de Cangas, na comarca do Morrazo. Foi sobre as 21 horas cando un particular informou ao 112 Galiza do accidente, que se rexistrou no quilómetro 12 da PO-305, á altura da parroquia canguesa de Hío. A partir de aí, deuse aviso a Urxencias Sanitarias, á Garda Civil de Tráfico e a Protección Civil. Os catro feridos tiveron que ser evacuados en ambulancia polos profesionais sanitarios.

Rueda di "non ver" unha agresión nos vídeos do pleno de Cangas.

Tamén Paula Prado defende que "ningún vídeo acredita que houbese unha agresión" do concelleiro José Luís Gestido á socialista Iria Malvido.