brexit

As negociacións do Brexit que teñen que ver coa pesca seguen a marcar a súa propia axenda. O sector asegura estar satisfeito co equipo negociador comunitario mais non agocha o seu receo polo que considera unha actitude "agresiva" na postura británica. A perda de caladoiros non sería o máis tráxico de toda esta situación. O peor viría por un profundo desequilibrio en toda a zona.

O negociador británico para o acordo post Brexit, David Frost, acusou onte a Unión Europea de estar incluíndo novas propostas no proceso de negociación, especialmente no tema da pesca.

As exportacións galegas fecharon 2019 cun retroceso de 3%, pero superando novamente os 22.000 millóns de euros de valor económico dos bens exportados.

As cifras que deu a coñecer o Instituto Galego de Estatística (IGE) estes días confirman unha situación delicada para a economía galega. Sectores como a automoción e o téxtil demostraron certa debilidade e dependencia nun mercado internacional moi volátil como o actual.   

O 'Cheque Brexit' permitirá ás empresas contratar servizos de consultoría para a diagnose de mercados.

A culminación onte da saída do Reino Unido da UE supón unha nova vitoria do discurso racista e xenófobo que foi a base da campaña do Brexit. Os representantes galegos no Parlamento europeo, Nicolás González Casares (PSOE) e Francisco Millán Mon (PP), e a futura eurodeputada, Ana Miranda (BNG) posiciónanse ante o Brexit.

Reino Unido é de facto o primeiro Estado en abandonar a Unión Europea. Ábrese entón un período transitorio até 31 de decembro para asinar un acordo comercial que estabeleza as novas regras do xogo entre os países membros e as illas no que Galiza terá moito que dicir en sectores como o téxtil, a automoción ou a alimentación. 

Hoxe faise efectiva a saída das británicas da Unión Europea. Mentres unha parte dos sectores económicos galegos, con intereses no Reino Unido, mira de esguello o Brexit, decrétase o silencio sobre o escenario que se abre no espazo comunitario. A Unión Europea deixou de ser un proxecto irreversíbel e precisa dun novo relato.

Os representantes galegos no Parlamento europeo dubidan dos prazos do período transitorio, que se estenderá desde o 31 de xaneiro, coa culminación do Brexit, ao 31 de decembro.

O presidente da Comisión de Asuntos Exteriores do Parlamento europeo, David McAllister, confirma contactos con institucións escocesas de cara ao horizonte post-Brexit.

O Reino Unido abandonará definitivamente a Unión Europea o vindeiro 31 de xaneiro e, posteriormente, negociará con Bruxelas a súa nova relación comercial.

A primeira ministra escocesa, Nicola Sturgeon, informou nesta quinta feira, 19 de decembro, que enviara unha carta ao premier británico, Boris Johnson. Nesta mesma xornada inaugurouse a nova lexislatura en Westminster.

Todo indica que o actual primeiro ministro, Boris Johnson, recuncará no cargo. As últimas enquisas danlle unha vantaxe de entre oito e doce puntos sobre o laborista Jeremy Corbyn. Tamén apuntan unha folgada vitoria do nacionalismo escocés, mais a polarización sobre temas clave e o sistema electoral poden dar sorpresas.

Os 27 socios da Unión, reunidos a nivel de embaixadores, son partidarios de estender o prazo por terceira vez, mais manteñen as dúbidas sobre a súa duración. Boris Johnson, pola súa banda, acepta que haxa máis debate en Westminster sempre e cando as deputadas e os deputados apoien a súa moción de convocar comicios anticipados o 12 de decembro.

O parlamento británico aprobou por 322 votos a favor contra 306 contra a emenda Letwin, que paraliza o voto final do acordo sobre o Brexit impoñendo previamente a lexislación pertinente á saída do país da Unión Europea, nunha decisión que contradí ao primeiro ministro do país, Boris Johnson, que abriu unha nova disputa legal ao negarse a solicitar un aprazamento da saída da UE. 

A canle británica de TV 'Channel 4' emite unha entrevista cun encapuchado identificado como portavoz do grupo armado irlandés, advertindo de que atacarán calquera infraestrutura británica que se estabeleza na illa, en referencia aos controis entre Irlanda do Norte e o resto de Irlanda que contempla o 'Brexit' para dentro de catro anos.

A Comisión Europea pide o apoio ao acordo dos líderes dos Estados da UE. O apoio do partido unionista norteirlandés do DUP é necesario para que o pacto saia adiante no Parlamento británico.

A principal proposta da reunión mantida esta cuarta feira, día 2 de outubro, do Grupo de Traballo Interdepartamental do Brexit é un “cheque” para pagar gastos derivados de asesorías e consultorías.

O Brexit axita Reino Unido. Abrir a porta a unha mudanza tan importante do estatus político-económico de Gran Bretaña xerou desde un primeiro momento a reacción do independentismo, escocés e gales, que reclaman o seu dereito a decidir. Unha demanda que se está a concretar a través das March for Independence, primeiro en Escocia e agora en Gales, mobilizacións de miles de persoas onde a reclamación independentista mostra músculo e discurso nas rúas.

É demasiado cedo para sacar conclusións sobre as consecuencias para a Galiza da marcha do Reino Unido da Unión Europea. A falla de datos concretos sobre os termos do abandono, a información destinada a apuntalar o relato de Bruxelas ou a ausencia dunha perspectiva temporal para valorar o desenvolvemento dos acontecementos son algúns dos factores que impiden esta reflexión. Ás portas do 31 de outubro, data fixada para a saída, achegámonos aos intereses comerciais da Galiza nas Illas Británicas. Eis un extracto da información publicada ao respecto no número 363 do semanario en papel Sermos Galiza.