O presidente do Tribunal Constitucional (TC), Pedro González-Trevijano, acordou (a pedimento de cinco maxistrados de tendencia progresista) continuar a vindeira segunda feira co debate interno que comezou no Pleno extraordinario do Congreso en Madrid desta quinta para decidir sobre o recurso que presentou o PP para frear a tramitación parlamentaria da reforma do propio tribunal.
Os maxistrados Juan Antonio Xiol, Cándido Conde-Pumpido, María Luisa Balaguer, Inmaculada Montalbán e Ramón Sáez solicitaron nun escrito ao presidente do TC que aprace o Pleno para darlles "o tempo indispensábel" para levar a cabo un "estudo completo" do recurso do PP e dos escritos introducidos nas últimas horas por PSOE, Unidas Podemos e Vox.
Información relacionada con el Pleno del Tribunal Constitucional del 15 de diciembre de 2022 https://t.co/Z05SOfXrmh pic.twitter.com/kEhaUotmAr
— Tribunal Constitucional de España (@TConstitucionE) December 15, 2022![Publicidade 196064]()
Os asinantes explicaron que, dada "a complexidade da cuestión que expón o recurso e a relevancia da decisión", na situación actual non lles é posíbel poder participar na deliberación e votación.
González-Trevijano accedeu ao exposto por estes cinco maxistrados acordando que o Pleno extraordinario desta quinta feira se retome ás 10 horas da próxima segunda.
Pódese votar no Congreso
A proposición de lei para derrogar o delito de sedición, modificar o de malversación e cambiar as maiorías para renovar o Tribunal Constitucional votouse nun pleno do Congreso das Deputadas e Deputados que comezou por volta das 15 horas.
Puideron votar após a decisión do TC de aprazar o seu debate interno.
[Haberá ampliación]
