O cofundador de Podemos, Pablo Iglesias, viaxou esta cuarta feira até A Coruña para abeirar, nun acto por 'sorpresa', a candidata da formación violeta a presidir a Xunta da Galiza, Isabel Faraldo, nas eleccións galegas que teñen a cita coas urnas este domingo 18 de febreiro.
Sen convocar os medios de comunicación, e na mesma xornada na que a ex ministra de Igualdade e candidata ás europeas, Irene Montero, estivo en Vigo; Pablo Iglesias desprazouse até a cidade herculina e difundiu un vídeo no que Faraldo asegura que "nunca" tivo "dúbidas" do "apoio de Pablo Iglesias".
Grazas, @PabloIglesias💜 pic.twitter.com/DO1oJvDHNq
— Isabel Faraldo (@isabelfaraldo) February 14, 2024![Publicidade 196064]()
"O máis leal militante, nunca tiven dúbidas do apoio de Pablo Iglesias, pero hoxe encárnase nesta visita á Coruña para abeirar os compañeiros que están a entregar tanto nesta difícil e xenerosa campaña", manifestou Faraldo nese vídeo.
Pola súa banda, Iglesias, que se pronunciou en contra de que Podemos pactase con Sumar e chegou a mostrar a súa opinión a favor de votar ao BNG nesas eleccións, esta cuarta feira, pola contra, volveu ratificar o seu apoio a Isabel Faraldo.
"Grazas a todos os militantes", dixo, en referencia a unha campaña "moi difícil" que se está desenvolvendo con "toda a paixón e ilusión". "Todo o meu apoio, compañeira", dixo.
