O Parlamento galego instou a Xunta a pedir ao Goberno español a transferencia de fondos europeos para a xestión directa por parte do Executivo galego.
Foi na Comisión de Industria, Enerxía, Comercio e Turismo e a pedimento dunha proposición non de lei.
Nel, pídese a transferencia de fondos europeos "para garantir a viabilidade dos principais proxectos tractores galegos, do mesmo modo que fixeron outros territorios".
Todo iso, co obxectivo, engade, dunha "descentralización dos fondos e da súa xestión e execución e garantir a adxudicación dunha porcentaxe dos fondos superior ao que vén recibindo doutros programas europeos que reparte o Goberno do Estado".
"En base á situación demográfica, ambiental e industrial, entre outras", engade a iniciativa, que recalca que o obxectivo é, ademais, "buscar garantías para que os fondos públicos para a reactivación da economía contribúan a manter o emprego existente nas empresas receptoras".
Outras iniciativas
No pleno, cos votos en contra do PP, rexeitouse unha iniciativa do BNG para demandar á Xunta que se adopten as medidas para garantir a continuidade e estabilidade do sector naval na ría de Vigo e outra do PSOE para a elaboración dun plan de retención de talento.
