A oposición pide a Pilar Rojo que medie para que Feijóo responda ao que se lle pregunta

Os tres grupos da oposición remitiron esta cuarta feira un escrito conxunto á presidenta do Parlamento, Pilar Rojo, para que "exerza as funcións arbitrais que lle están atribuídas" e impida que Alberto Núñez Feijóo manteña os roles invertidos nas sesións de control ao goberno.

E é que para os portavoces da oposición, o presidente da Xunta de Galiza eríxese acotío en "interpelante" e pasa a exixir explicacións ás demais forzas da Cámara en troca de responder ás que lle son formuladas. 

Segundo o escrito rexistrado no Parlamento, BNG, AGE e PSdeG, denuncian que esta actitude é contraria ao desenvolvermento habitual de calquera cámara de representante nos "réximes democráticos parlamentares" e instan a que a máxima autoridade do poder lexislativo actúa para que non continúe a acontecer.