A corrente crítica do PSC Agrupament Socialista celebrará o 29 de agosto unha reunión en Torroella de Montgrí para abordar se acode á cadea humana independentista que terá lugar o 11 de setembro, Diada Nacional de Cataluña.
En Agrupament Socialista participan importante cargos do PSC como a eurodeputada Maria Badia, a deputada Marina Geli, a concelleira de Girona Pia Bosch ou o alcalde de Lleida e ex candidato a liderar o PSC, Àngel Ros, entre outros.
En relación á cadea humana, esta corrente baralla dúas opcións: declinar a participación por ser unha iniciativa independentista, ou acudir ofrecendo “explicacións propias” sobre a súa visión das relacións entre Cataluña e España. A dirección do PSC non acudirá.
Así mesmo, a plataforma amosouse moi crítica coa reforma constitucional proposta en Granada polo PSOE e o PSC, xa que consideran que nega o dereito a decidir de Cataluña.
![[Imaxe JxS] Muriel Casals](/asset/zoomcrop,480,270,center,center/media/nosdiario/images/2016/02/14/2016021411384555262.jpg)
