chusmiallo.- Lugar onde remanece auga.
Lugar de escoita.- Navia de Suarna.
Fonte.- Endl Navia de Suarna.
murralleiro.- Montón de pedras que se fai na horta ao sacalas cando se traballa.
Lugar de escoita.- O Páramo (Lugo).
Fonte.- Suzana do Páramo.
papabello.- (Ademais de significados rexistrados) Substancia pastosa que se forma nos camiños e corredoiras pola mistura de barro, terra, etc. con auga ou calquera outro líquido.
Exemplo.- “Con tanta chuvia hai un papabello no camiño que case non se pode andar por el.”
Lugar de escoita.- Sober (Lugo).
Fonte.- Ramón Sandoval.
porcapreña.- Terreo moi húmido no que se te metes entérraste polo menos ata os xeonllos.
Lugar de escoita.- Cuntis/Sabucedo (A Estrada).
Fonte.- Marcos Seixo/ Manuel Cabada Castro.
rouseo.- Terreo circundante a unha vivenda, cortiña, eixido.
Exemplo.- “Dixo que, de mercar a casa, queríaa con rouseo.”
Lugar de escoita.- Escudeiros - Ramirás (Ourense).
Fonte.- Xoán Carlos Domínguez Alberte.
Outros apuntamentos.- A fonte aproxima rousear e dar un rouseo como termo e expresión relacionados.
