As protestas contra os ataques israelís dan a volta ao mundo

1. Cisxordania
2. Turquía
3. Xordania
4. Irán
5. Líbano
6. Colombia

Millares de manifestantes manifestáronse na madrugada desta cuarta feira en distintos lugares do mundo para expresar a súa indignación polo ataque israelí ao hospital Al Ahli, que deixou polo menos 500 mortes e miles de persoas feridas.

A ira é palpábel en todo Oriente Medio e o norte de África, onde varios gobernos xa condenaron o ataque e aseguraron que as autoridades israelís terán que responder e render contas ante o dereito internacional.

Cisxordania

Centos de palestinos asolagaron as rúas das principais cidades de Cisxordania, incluída Ramala, sede da Autoridade Palestina, onde se rexistraron enfrontamentos entre manifestantes e as forzas de seguridade israelís, que responderon con ataques á multitude.

Turquía

Miles de cidadáns reuníronse fronte ao Consulado israelí en Istambul para protestar contra o "barbárico ataque" de Israel, como o cualificou o Ministerio de Exteriores turco.

Xordania

Decenas de persoas tentaron asaltar a Embaixada israelí en Amán, Xordania. Varios vídeos difundidos en redes mostran a unha multitude enfurecida rodeando o edificio e tentando entrar pola forza. As autoridades dispararon gases lacrimóxenos para dispersalos. Non está claro se había persoal israelí no edificio.

Irán

Uunha multitudinaria protesta tivo lugar na praza Palestina de Teherán. Segundo a axencia de noticias IRNA, os manifestantes corearon consignas como "ningún compromiso nin rendición na batalla contra Israel".

Tunisia

Centos de manifestantes concentráronse ante a Embaixada francesa en Tunisia, denunciando Occidente por estar detrás dos ataques a Gaza.

"Os franceses e os estadounidenses son aliados dos sionistas", gritaban os manifestantes, que tamén esixiron a retirada dos embaixadores de ambos os países.

Líbano

As protestas estalaron fronte á Embaixada de Estados Unidos en Beirut poucas horas despois da explosión do hospital de Gaza.

Colombia

Outros tantos centos de persoas reuníronse na Embaixada de Palestina en Bogotá, participando nun acto de apoio ao pobo palestino.

No caso de Colombia, a tensión diplomática deixou as relacións entre ambos o país suramericano e Israel ao bordo a ruptura por mor das declaracións do presidente, Gustavo Petro, en apoio á causa de Palestina e en contra do que cualificou de "xenocidio" en Gaza.