A torre Eiffel, en París, a capital francesa, así como os seus arredores, foron evacuados "como medida de precaución" este sábado por unha "ameaza de bomba", reporta Le Parisien, citando unha fonte policial.
A Empresa de Explotación do Monumento (SETE) describe o que está acontecendo como “un procedemento habitual neste tipo de situación, que de por si é bastante rara”, segundo sinalou unha portavoz en comentarios ao medio francés. A última vez que aconteceu un feito similar foi en setembro de 2020.
Finalmente, resultou tratarse dunha falsa ameaza de bomba. "Foi unha falsa alarma, a xente xa pode volver entrar", confirmou unha fonte policial á axencia Reuters unha vez restabelecida a normalidade.
"A intervención dos expertos en desactivación terminou. A torre Eiffel volve estar aberta ao público", comunicou na súa conta oficial de X (a rede social anteriormente coñecida como Twitter) o distrito de París onde se atopa o simbólico monumento.
Segundo France BFMTV, medio colaborador de CNN, os tres pisos da Torre Eiffel, así como o seu patio e o seu restaurante, foron evacuados despois dunha mensaxe de alerta de bomba.
Un equipo de especialistas en detección e desactivación de explosivos atópase actualmente na torre parisina, que permanece fechada ao público, para levar a cabo unha investigación tras a ameaza.
