Fillas de Cassandra: a rebelión desde a música

A mitoloxía clásica sérvelles ás Fillas de Cassandra para rebelarse contra o patriarcado pasado e presente. Para falar das violencias que viven as mulleres e os colectivos sociais situados polo poder nunha posición de subalternidade. Mais Fillas fano, como outros grupos da súa xeración, desde a forza. Desde unha enerxía imparábel. Desde a alegría. Cos ritmos bailábeis do pop electrónico en galego que está a arrasar nos festivais. Conversamos coas Fillas, María Soa e Sara Faro, sobre o seu proxecto e sobre o seu primeiro disco, 'Acrópole'.