O grupo municipal da formación PorVir de Campo Lameiro denunciou o "estado de abandono" no que se atopa o parque arqueolóxico de arte rupestre.
Nun comunicado, o partido político criticou o estado do parque, que dende o seu inicio pretendía ser un equipamento cultural creado pola Xunta co obxectivo de xerar un modelo de xestión integrada que "satisfese o equilibrio necesario" entre conservación, investigación e e divulgación dos petróglifos da Galiza.
Ademais, lembrou que o concello de Campo Lameiro está considerado a capital da arte rupestre desde 1974 e a pesar de que "nin Xunta nin concello tomaron medidas acordes con tal réxime" para a protección dos petróglifos.
Estado de abandono
Así, denunciou a situación da Laxe dos Carballos, que semella "un composteiro" na súa parte baixa, "pedras soltas" na vía de acceso ás principais estacións de rocha, o "estado de abandono" das zonas de descanso e en a recreación da aldea da Idade do Bronce, unha cabana "está a piques de derrubarse".
Por iso, o grupo solicitou que "exerciten a competencia xurídica" para coidar o patrimonio con medidas de restauración e mantemento e puxo de manifesto o "desleixo das funcións da Xunta e do concello", entre outras peticións.
