Malia as intermitentes pero intensas chuvias, a organización decidiu manter a programación de hoxe, no que tiveron lugar a sardiñada popular, coas ruadas dos Terribles de Arousa, PerQtores e Fanfarria Taquikardia, e a Gala do Circo Solidaria co Pobo Saharauí, na que participaron Peter Punk, Ale Risorio, Circo Chosco e Bambala.
Na xornada do venres, o trío Poetarras puxo en pé as persoas asistentes. Un dos momentos máis agardados da sexta feira, sinala a organización nun comunicado, chegou co grupo de Gandia La Raíz. A noite da sexta continuou ao ritmo do ska comprometido e imparable de Liska! e coa Banda Bassotti, que subiu as revolucións a carón Ría de Arousa.
A organización salienta que un dos concertos máis especiais foi o de Zoo, que actuaba por vez primeira en Galiza. As bandas consolidadas no rock e ska galegos, Nao e Dakidarría animaron aínda máis as persoas que participaron do festival. A xornada da sexta fechouse con The Eskies.
