Nace o 'portal de investigación' da UDC, que aglutina a produción científica de persoal investigador

A Universidade da Coruña (UDC) pon en marcha o 'portal de investigación', un novo sitio web onde se poderá consultar toda a produción científica dos seus centros e grupos de investigación. O obxectivo do portal é "mellorar a visibilidade e a transparencia da actividade investigadora da UDC e ser unha ferramenta útil para o persoal investigador e as unidades de xestión da investigación". O sitio web nútrese directamente de bases de datos científicos xa existentes. Actualmente, o portal recolle a totalidade do persoal docente e investigador activo da UDC.