A Xunta veta Nós Diario

A Xunta da Galiza volve excluír un ano máis 'Nós Diario' da liña de axudas destinadas a xornais impresos en formato papel. As achegas públicas que destina a Secretaría Xeral de Medios a este concepto para 2022 suman 1.255.000 euros. Entre os seus obxectivos, destaca “a normalización da lingua” e a defensa da cultura galega.

O Goberno négase a incluír o xornal no reparto de axudas aos medios galegos co único argumento de que non é un diario "porque só se publica de terza feira a sábado", malia que a OXD define "diario" como "calquera publicación que se edita catro ou máis días por semana".

A liberdade de información na Galiza está lastrada polo peso abrumador do gasto público nos ingresos de case toda a prensa.