Terranova

Non hai nada que impida ao Estado español poder buscar os mariñeiros desaparecidos no naufraxio do 'Vila de Pitanxo'. De feito, tal e como inciden voces como a do avogado experto en dereito marítimo Miquel Roca, o Estado ten varias opcións a través das que realizar a busca. Mais lamenta que non se execute ningunha.

As familias acusan o Goberno estatal e o do Canadá de mentir para xustificar o abandono das tarefas de busca dos corpos dos mariñeiros desaparecidos no Vila de Pitanxo, e exixen que se reactive a operación.

A armadora do Grupo Nores, á que pertencía a embarcación, informou nun comunicado das causas do tráxico naufraxio.

A arribada do buque 'Praia Menduíña 2' atrásase polas condicións meteorolóxicas finalmente á mañá deste sábado, segundo informa Salvamento Marítimo.

As autoridades canadenses acordaron a suspensión definitiva da busca dos desaparecidos, mentres familiares e achegados piden proseguir coa procura para "poder despedirse".

Fontes de Salvamento Marítimo sinalan a 'Nós Diario' que aínda se descoñecen as causas do sinistro, que será investigado "posteriormente".

As autoridades alegan que, coas condicións climatolóxicas actuais, resultaría imposíbel sobrevivir no mar de Terranova durante máis de 24 horas.

Bandeiras a media hasta e crespóns espalláronse polo territorio galego pola traxedia do Vila de Pitanxo, ao tempo que o Goberno decretaba tres días de loito oficial. Malia que o operativo de rescate continuou até a noite, con cada vez máis pesqueiros uníndose aos traballos, ao longo do día non se atoparon máis superviventes nin máis corpos dos mariñeiros falecidos. 12 membros da tripulación aínda están desaparecidos.

A meirande parte da tripulación de orixe peruana ten familia na Galiza. As autoridades aínda non confirmaron o achado de ningún dos mariñeiros do país andino.

"É a maior traxedia do sector nos últimos 38 anos", di o ministro de Pesca, Luis Planas, mentres os servizos de salvamento proseguen a busca dos once mariñeiros desaparecidos a pesar das condicións climatolóxicas adversas. Desde JRCC-Halifax afirman ter aínda a "esperanza" de atopar con vida o resto da tripulación.

Aliás, o alcalde de Lepe (Huelva) confirma que un dos desaparecidos é un veciño deste municipio de 55 anos que estaba "a un mes de xubilarse".

Fontes de Salvamento Marítimo confirman a 'Nós Diario' que tanto os tres tripulantes rescatados coma os dez cadáveres achados fican a bordo dos barcos que proseguen a busca doutras once persoas desaparecidas. Aliás, o Congreso garda un minuto de silencio en lembranza das vítimas.

Sara Prieto, parella dun dos tripulantes rescatados con vida, Eduardo Rial, lamenta que a armadora non lle comunicase nada a respecto do naufraxio, do que tivo constancia polos medios de comunicación. Entre as persoas desaparecidas está Edemon Okutu, irmán do atleta marinense Jean Marie Okutu.

Día negro para os mariñeiros galegos. Durante a madrugada de onte, un pesqueiro de Marín con 24 tripulantes a bordo lanzaba unha alerta de emerxencia. 
Os equipos de rescate apenas puideron atopar tres superviventes entre os cascallos do naufraxio, mais non localizaron o buque. Foron recuperados dez corpos.