Nunha estudada coreografía protocolaria, Quim Torra inaugurou o Mobile World Congress conxuntamente con Felipe VI e Pedro Sánchez, mais ao tempo eludiu posar co monarca ante as cámaras no estand do estado español nesta feira internacional.
Vai á capital comunitaria a palestrar co president no exilio, Carles Puigdemont. Interior di que a integridade do titular do Govern non corre risco.
A Generalitat quería un mediador internacional. O Goberno español oferece en troca unha figura de menor perfil, un relator, que é unha forma distinta de lle chamar ao que sería en realidade un negociador entre os dous polos en conflito. É a última baza de Sánchez para non romper as pontes con Catalunya e salvar os orzamentos. PP e Cs convocan mobilizacións na rúa e tildan o presidente do goberno español de traidor.
O apelo á vía eslovena formulado este domingo por Quim Torra no acto de constitución do Consell per la República non achou eco nas filas de ERC. Quer o president do Parlament, Roger Torrent, quer a portavoz do partido, Marta Villalta, reafirmaron esta segunda feira a súa aposta na "vía catalá", un conduto polo que queren transitar desde o "pacifismo, o civismo e a democracia".
Acción. Reacción. O apelo de Quim Torra á vía eslovena levou esta segunda feira Vox a demandar a súa detención e ingreso en prisión. O número dous do PSOE e ministro de Fomento, José Luis Ábalos, chamou "irresponsábel" e "iluminado" o president da Generalitat. Sectores do PSOE presionan Pedro Sánchez para rachar as pontes do diálogo coa Generalitat, en vésperas do consello de ministros que vai ter lugar en Barcelona o próximo 21D.
Non hai cenario alternativo á independencia, aínda que esta vaia traer sangue, suor e bágoas. Un discurso de ar churchilliano foi o que emitiu este sábado en Bruxelas o president da Generalitat, Quim Torra, durante a apresentación do Consell per la República. Torra expresou a súa adhesión á vía eslovena. "Xa non hai marcha atrás e estamos dispostos a todo para viver libres. Fagamos como eles", dixo. Eslovenia conseguiu a independencia en 1991 após unha guerra exprés que enfrentou o país co daquela estado iugoslavo. O confronto bélico saldouse con por volta de 60 mortos e 300 feridos.
A súa demisión por “esgotamento político e persoal” obriga o partido a reordenarse
Ana Pastor move ficha no taboleiro cunha oferta inesperada, o convite a Quim Torra para que acuda ao Congreso a un debate sobre a situación catalá. É unha xogada sorprendente que decorre dunha circunstancia inédita: o executivo e o lexislativo non están presididos polo mesmo partido por vez primeira desde a segunda restauración borbónica (1978). Nada indica que Pastor pactase este movimento coa Moncloa.
Un Sánchez debilitado após se visualizar a súa fraxilidade parlamentar no debate do teito de gasto terá de lidar, á volta do verán, coa corrente soberanista catalá liderada por Puigdemont en actitude claramente de combate. "O período de graza remata", dixo este sábado, xa en Bélxica, após a paréntese alemá, o president no exilio, respaldado pola visita do president en exercicio, Quim Torra. Para Torra, o obxectivo desta lexislatura volta a chamarse referendo.
Josep Borrell foi cuestionado sobre a posibilidade de abordar o referéndum pactado e cre que poderán formular “todas as cousas que cada un queira”
A toma de posesión do Govern Torra clausura a intervención estatal sobre o autogoberno catalán. Quixo o calendario político que o evento coincidise coa promesa de Pedro Sánchez do seu cargo de presidente. Nun emotivo discurso, Quim Torra apelou ao espírito do 1 de outubro -o referendo reprimido pola policía española-, e rendeu tributo aos líderes soberanistas presos ou exiliados.
En vésperas da moción de censura, JxCat levanta o pé do acelerador. O president Quim Torra vai asinar nas próximas horas, avanza NacióDigital, o nomeamento dun Govern novo, sen presos políticos nen exiliados. Destarte, desbloquea a situación e abre un cenario novo, o que en teoría debería permitir a Raxoi -ou talvez a Sánchez se supera o debate parlamentar desta sexta feira- levantar o 155.
O president da Generalitat catalá, Quim Torra, anunciou este sábado o seu novo Govern, con dúas novidades principais: a restitución de Josep Rull, Jordi Turull, Lluis Puig e Toni Comín –presos e exiliados– e a fichaxe de Ernest Maragall para levar a carteira de Exteriores.
O soberanismo moveu a peza que se lle exixía desde a Moncloa, a de apresentar na investidura un candidato libre de pesquisas xudiciais. Mais no taboleiro hai outros xogadores a despregar as súas estratexias e a partida non está concluída. Quim Torra xa é president da Generalitat -cos votos de JxCat e ERC e a abstención imprescindíbel da CUP-. En teoría Raxoi debería erguer agora o artigo 155, mais non o vai ter doado porque arrecian as presións en contra desde as bancadas de Cs.
O candidato recibe o apoio de Junts per Catalunya e ERC (66 votos), e o ‘non’ de Ciudadanos, PSC, PP e Catalunya en Comú (65). A CUP abstívose (4). A segunda votación será a segunda feira e Torra precisará para ser investido maioría simple. A CUP decide este domingo o seu posicionamento nesa votación.
O candidato de JxCat a presidir a Generalitat reivindica a lexitimidade de Puigdemont (“El tería que estar aquí facendo este discurso”), comprométese a continuar traballando pola construción da República e subliña a necesidade de reverter o 155. Tende a man a Rajoy para abrir un “diálogo” e apela á mediación europea.
Tal e como estaba pactado nas filas do soberanismo, foi o propio Puigdemont quen anunciou o nome de Quim Torra -ex president de Ómnium Cultural- como candidato a liderar o Govern.
