lume

Un home faleceu na tarde desta cuarta feira no incendio dunha vivenda situada na rúa Alcalde Beccaría da localidade de Betanzos (As Mariñas). Fontes dos servizos de emerxencia indicaron que a vítima é un home duns 70 anos de idade que se atopaba no interior do piso no que residía, na cuarta planta do edificio. O incendio orixinouse arredor das 17.30 horas, cando alertaron os veciños do inmóbel. Desprazáronse até alí os bombeiros do parque comarcal, a Policía Local e Protección Civil. O incendio produciuse en dúas habitacións da vivenda e o resto do inmóbel viuse afectado polo fume. O falecido foi localizado inconsciente no baño da súa vivenda, onde se lle practicaron manobras de reanimación, sen éxito. Finalmente os bombeiros lograron sufocar o lume.

 A Xunta da Galiza vén dar por extinguido o incendio forestal que arrasou 2.326 hectáreas de monte nos concellos de Ribadeo e Trabada, ambos na comarca da Mariña. O fogo, cualificado polo Goberno galego como o máis grande do ano no país, eleva a superficie queimada neste exercicio a perto de 17.000 hectáreas.

A Consellaría do Medio Rural informou dun incendio forestal que permanece activo no municipio de Riós (comarca de Verín), que calcinou xa unhas 20 hectáreas de terreo e obrigou a cortar puntualmente a N-525 por fume. En concreto, o lume iniciouse sobre as 16.10 horas nas parroquias de Fumaces e A Trepa e durante algún tempo obrigou a cortar a circulación da estrada N-525 ao seu paso pola primeira zona, dado que o fume dificultaba a visibilidade. Para o control deste incendio mobilizáronse, polo momento, un técnico, cinco axentes, oito brigadas, seis motobombas, catro helicópteros, unha pa e cinco avións.

Os bombeiros comarcais continúan en folga indefinida para reclamar máis medios

Dous terzos do persoal anti incendios ten contrato temporal

A Administración poderá executar de maneira subsidiaria a limpeza das fincas cuxos propietarios non xestionasen a maleza en catro anos

A “actividade incendiaria destacábel” da zona levantou as sospeitas da Garda Civil.

A muller, que tiña 60 anos no momento dos feitos, sofre "un trastorno adaptativo crónico" que non afecta as súas facultades intelectuais pero "pode condicionar lixeiramente a súa vontade", considera o Ministerio Público.

O alcalde tudense pide prudencia e respecto á investigación

Tal como informou o 112 Galiza, varios particulares alertaron dos feitos, entre eles o condutor do vehículo, que resultou ileso.

Só se efectuaron 106 das 284 actuacións previstas no Pladiga.

Catro persoas tiveron que ser trasladadas ao Chus por inhalación de fume.

A detida foi vista polos investigadores nos puntos de inicio dos cinco lumes.

No día de onte, veciñanza dos concellos da Pobra e de Boiro denunciaron que as precipitacións estaban a levar a cinza cara aos ríos e o mar.

O abundante vento está a dificultar os labores de extinción.

Tras os incendios ocorridos no Barbanza este verán, as comunidades de montes desta comarca pediron á Fiscalía que se investigue o dispositivo fornecido pola Xunta da Galiza o 4 de agosto para frear os lumes. Andrés Domingo Vila Noal, presidente da Mancomunidade Serra do Barbanza, asegura que se cometeron numerosas neglixencias e demanda un maior compromiso.