Luísa Villalta

A profesora da Universidade da Coruña e investigadora do Grupo Illa, Carme Fernández Pérez-Sanjulián, dá conta neste artigo do achádego dunha obra dramática inédita de Luísa Villalta, depositada na Biblioteca-Arquivo Teatral Francisco Pillado Mayor.

O primeiro grande acto de homenaxe e de celebración popular de Luísa Villalta, que neste ano 2024 protagoniza o Día das Letras galegas, terá lugar esta cuarta feira 6 de marzo, no Teatro Rosalía de Castro, a partir das 20.30 horas.

A Federación Galiza Cultura realizará na cuarta feira, 6 de marzo, na Coruña, o primeiro grande acto de celebración de Luísa Villalta como protagonista do Día das Letras Galegas, nunha gala que reivindica unha figura cun inequívoco compromiso co país. 
 

A institución presentou o seu proxecto web para o público infantil dedicado á protagonista do Día das Letras Galegas 2024

Nuria Vil (Vigo, 1993), recitadora; Vero Rilo (Mugardos, 1984), narradora oral, e Mónica de Nut (Oia, 1976), música, presentan Indóciles, un proxecto multidisciplinar que pretende achegar o legado e a voz de Luísa Villalta ao público. A súa preestrea foi esta quinta feira en Arcade (Soutomaior) e hoxe estrearase no Festival Rosalía de Compostela (20.30 horas).

"É necesario ler a Villalta en todas as súas facetas literarias para facerse unha idea da complexidade e calidade do seu corpus creativo", destacan.

Montse Dopico, María Canosa, Eli Ríos, Beatriz Maceda e Xurxo Souto asinan estas obras.

A Real Academia Galega presentou esta terza feira as as principais iniciativas que desenvolverá arredor do Día das Letras Galegas que lle dedica a Luísa Villalta no seu vixésimo cabodano. Destacan unha webserie documental, unha pequena biografía sobre a homenaxeada para o público infantil, e o pleno extraordinario e público que se celebrará na Coruña, a "Cidade Alta" de Villalta.

Beatriz Maceda (A Coruña, 1963) é unha das autoras do álbum ilustrado 'Luísa Villalta. Alma de violino' (Xerais), xunto coa escritora Eli Ríos e a ilustradora Laura Suárez.

A institución abre a sección sobre a escritora na páxina web institucional cunha biografía da autora á que lle dedica o Día das Letras Galegas 2024 asinada pola académica de número Ana Romaní.

Unha das editoras que homenaxeará Luísa Villalta é Baía Edicións, que espera poder publicar, ao longo do mes de xaneiro, un repaso da vida e obra da autora coruñesa.

Tania Solla ilustra oito das once biografías que compoñen a serie 'Mulleres Galegas' do colectivo Polo Correo do Vento, publicadas po Lela Edicións. Estes libros tratan o percorrido de vida de mulleres decisivas da Galiza. Acaban de publicar unha nova incorporación á colección, titulada Tinta do mar, pequena biografía de Luísa Villlalta, en lembranza da autora homenaxeada no Día das Letras Galegas 2024.

 O 6 de marzo de 2004 falecía na Coruña a escritora e música Luísa Villalta, conmocionando o mundo literario galego. Onte, case dúas décadas despois, a Real Academia Galega acordou dedicarlle o Día das Letras Galegas do ano 2024, coincidindo co vixésimo aniversario do seu pasamento.