![[Imaxe: CIG-Avantarvideos]](/asset/zoomcrop,480,270,center,center/media/nosdiario/images/2013/10/24/2013102416190054438.jpg)
As organizacións que fan parte da Plataforma galega en defensa do ensino público pecharon as manifestacións remarcando o seu rexeitamento a esta lei nun Manifesto conxunto. Recollemos o que se leu en Compostela.
![[Imaxe: M. Montero]](/asset/zoomcrop,480,270,center,center/media/nosdiario/images/2013/10/24/2013102414574345999.jpg)
Traballadores do naval e comunidade educativa marchan xuntos en Ferrol porque “a situación é a mesma”.
A Plataforma galega en defensa do ensino público cifra o seguimento da folga nun 90% e considera que a xornada de loita supuxo "un 'non' rotundo contra a LOMCE". As 14 manifestacións convocadas pola plataforma galega foron, na Galiza, as máis multitudinarias deste 24 de Outubro. Xa no serán, miles de persoas voltaron a saír ás rúas, desta volta chamadas pola plataforma en que se organizan os sindicatos de ámbito estatal.
Denúnciao a organización Down Galiza e alerta de que a lei española "botará por terra todos os avances que se fixeron nos últimos anos" non só en materia educativa senón tamén de integración social.
A Plataforma galega en defensa do ensino públicou anunciou "as mobilizacións máis multitudinarias que se teñen realizado neste ámbito" e advertiu de que "a política de recortes é a política de anulación dun dereito": o dereito a un ensino público, gratuíto, laico, non-sexista, de calidade e na nosa lingua.
Até a quinta feira durará o encerramento de estudantes na facultade de Filoloxía da USC. Protestan polos ataques ao ensino público promovidos desde a Xunta e desde Madrid e rexeitan o decreto que estabelece un número mínimo de alumn@s para manter os graos en filoloxía clásica e filoloxía galega.
O Congreso está fixado para este sábado, 26 de outubro. Co prazo aberto para a presentación de candidaturas até 48h antes, polo de agora a única achegada é a que encabeza o actual secretario xeral, Anxo Louzao.
O conxunto de grupos políticos que compoñen o arco parlamentar, agás o PP, coinciden en que a contrarreforma de Wert non é pedagóxica, senón ideolóxica. Namentres as formacións nacionalistas de Galiza (BNG), Euskal Herria (Amaiur e PNV) e Catalunya (ERC e CiU) rexeitan o proxecto por poñer en xaque as linguas propias e españolizar o ensino, UPyD, artífice da emenda que tornará o español idioma vehicular en todo o Estado, di que "as linguas propias non existen, son construcións ideolóxicas".
![Imaxe da rolda de imprensa [SG]](/asset/zoomcrop,480,270,center,center/media/nosdiario/images/2013/10/09/2013100915220368112.jpg)
As organizacións nacionalistas Agir, Comités e Liga estudantil chaman a rexeitar nas rúas a Lei da Wertgoña. Fano cun manifesto conxunto en que critican "a dinámica do sindicalismo español, que non entende nin defende os intereses do noso pobo", necesidades que só serán garantidas "baixo a consecución da soberanía nacional".
A acción reivindicativa, que se desenvolverá en Compostela, está convocada pola Plataforma galega polo ensino público. Arrincará ás 10.30h e rematará ás 12h, cun acto final de protesto na praza das Praterías.
Dando por feito que as matemáticas son unha ciencia exacta, a maioría absoluta con que o PP saca adiante as súas leis no Congreso español fará que a Lei Orgánica de Mellora da Calidade Educativa sexa, finalmente aprobada. Porén, na Galiza, a comunidade educativa quere facerse ouvir e facer, ao tempo, un "último esforzo" que deixe claro o rexeitamento a esta norma
O calendario de mobilizacións convocadas pola plataforma comezará esta cuarta feira cunha concentración perante a Consellaría e advirten que estudan presentar un recurso contra o decreto de comedores que deixa 14.000 alumn@s sen acceso gratuíto a este servizo
Unha lectura serena e obxectiva do proxecto de lei da LOMCE interpretada baixo a luz da política educativa desenvolvida nos últimos anos en Galicia indícanos que hai unha grave pretensión de discriminación e, en última instancia, exclusión do galego no sistema educativo. Podemos achar múltiples evidencias de que isto é asi cando repasamos o articulado da LOMCE. Na súa redacción vemos como cada vez que se trata do dereito a cursar a materia de lingua galega, garántese a posibilidade de exención do mesmo. Non se predica a exención de ningunha outra materia o que fai á de lingua galega un saber de carácter especial o único do que será posible, e por lei, a súa ignorancia. Como esta discriminación lle parecera pouca ao lexislador, refórzase ao abrirlle a porta á exención tamén á avaliación na mesma materia. Con todo esta non é a única discriminación que se introduce mediante o proceso avaliador. A única forma de que un alumno pase de curso con tres materias suspensas vai darse no caso de que unha delas sexa, outra vez, a lingua galega. Isto será posible por a LOMCE integrar á lingua galega dentro do bloque de materias de libre configuración autonómica. Unha das cousas que máis chama a atención da LOMCE é que establece una xerarquía entre as materias, clasificadas en tres bloques. No bloque privilexiado encontramos á lingua española mentres que a galega fica rebaixada ao bloque das materias con menores garantías legais que son precisamente aquelas cuxo currículum corresponde á Xunta.
O Secretario Nacional da CIG-Ensino, Anxo Louzao, explica na súa comparecencia na Comisión de Educación do Congreso dos Deputados as repercusións da aplicación da LOMCE no ensino público galego. Recollemos a súa intervención.
O Secretario Nacional da CIG-Ensino, Anxo Louzao, reclamou a retirada da LOMCE na súa intervención na Comisión de Educación do Congreso dos Deputados por ser “letal para o ensino público galego”.
Estudantes que tiveron sobresaínte no bacharelato e selectividade levaron camisolas contra a lei de Wert no acto na Universidade compostelá
Eu digo non á Lomce.
Porque é unha lei educativa antieducativa.
Porque discrimina aos que o pensamento liberal capitalista considera "pouco dotados".
Porque non se ocupa de fomentar a igualdade senón a xerarquización entre as persoas en función do seu rendemento académico; resultados que non sempre son consecuencia dos esforzos dos alumnos e alumnas senón de circunstancias externas que en non poucas ocasións teñen que ver co seu nivel adquisitivo e os centros aos que pertenzan.
A Plataforma galega en defensa do ensino público entrégalle un escrito a Jesús Vázquez en que o instan a se colocar do lado "do clamor popular" ou a presentar a súa demisión
A Plataforma galega en defensa do ensino público presentou esta terza feira un calendario de mobilizacións en contra da lei que recibiu o visto e prace no Consello de ministr@s do 17 de Maio e batizada como 'de mellora da calidade educativa'
![[Imaxe: CIG-Avantarvideos]](/asset/zoomcrop,768,432,center,center/media/nosdiario/images/2013/10/24/2013102416190054438.jpg)
