Incendios de outubro de 2017

Terrorismo incendiario. Ese é o termo alcuñado pola Xunta de Feijóo para designar o fenómeno que tería arrasado en apenas 2 días 35.5000 hectáreas. As pesquisas policiais levadas a termo até agora resultaron na detención de dúas persoas. En conxunto, e sempre pretensamente, terían provocado o incendio de apenas 3 hectáreas. Dous lumes isolados e todo indica que produto de imprudencias, o que en puridade non permite falar de terrorismo.

Falamos con Pedro Alonso, ‘Perico’, biólogo que leva anos de compromiso e militancia no ambientalismo, un dos impulsores das asembleas contra a eucaliptización que nos meses pasados decorreron en diferentes partes do país. “A economía do eucalipto susténtase no abandono do rural”, mantén. E ese é un factor chave, non o único, para entender por que arde Galiza.

O xefe de Redacción da Radio Galega, Luís Ojea, ten unha columna no ABC. A súa última entrega titúlaa "Carroñeiros da desolación" e nela deita grosas descualificacións sobre a multitudinaria manifestación deste domingo convocada pola Plataforma contra a Lei de Depredación de Galiza: "Saíron á rúa coas súas pancartas e o seu odio".

A colaboradora de Sermos Pilar Fernández entrevistou este domingo o alcalde das Neves, Xosé Manuel Rodríguez Méndez, sobre a dramática situación en que se acha o concello após a vaga dos lumes. A conversa produciuse a seguir a multitudinaria manifestación da Plataforma contra a Lei de Depredación da Galiza decorrida este domingo en Compostela. Na entrevista, Rodríguez Méndez (BNG) relata que "temos o territorio ocupado polo lume nun 90 por cento na superficie dos núcleos habitados" e engade que "inexplicabelmente" as lapas atinxiron "a totalidade das nosas parroquias".

"Temos 9 parroquias e non temos nen unha soa que non fose atinxida por esa lingua de lume", explica. Tal grao de afectación do territorio resulta en enormes dificuldades para a vida cotiá para os máis de 4.000 veciñas e veciños que moran no concello. "A situación neste momento é realmente complexa. Hai cousas cotiás que estamos a atender desde o concello através de persoas que están a prestar servizos voluntariamente", unha rede que "conseguimos estruturar nun prazo de tempo realmente récord". Mais hai servizos que o concello non é quen de repor.

A telefonía, por exemplo, na "contorna do núcleo habitado" das Neves. "As empresas a as persoas non teñen teléfono fixo, non teñen internet..., as empresas non teñen sistemas de pagamento telemático... ". O alcalde ten un estimación do alcance da traxedia en termos de destrución de postos de traballo: "Hai empresas que foron arrasadas e temos aproximadamente uns 90 postos de traballo destruídos despois deste incendio de maneira automática, imediata".

Na entrevista, o alcalde insta a Xunta da Galiza a que esta semana "veñan ás Neves e procuremos unha solución excepcional para un problema excepcional. Esa solución excepcional nós sabemos por onde orientala e ímoslla pór sobre a mesa. Teñen que estar á altura. Teñen que ter unha mirada sensíbel sobre nós, sobre o territorio. Aprender dos erros e non voltar a cometelos".

Na mañá do domingo volveu emerxer en Compostela o país de Nunca Máis, a esperanza e dignidade do pobo contra as políticas que destrúen Galiza. Foi na masiva mobilización convocada para protestar contra a Lei de Depredación e contra os incendios e a política forestal da Xunta de Galiza.

A pasada cuarta feira a Garda Civil detiña un home relacionado cun dos incendios producidos o domingo día 15 na comarca da Limia. Os colectivos ecoloxistas amosan a súa preocupación sobre “as circunstancias que rodean” a detención desta persoa “coñecida, valorada e querida polos que ao longo dos anos noventa do pasado século activaron a loita social contra a deterioración da natureza”.

Caos. Descoordenación. Non o denuncian os portavoces da oposición, senón traballadoras e traballadores do servizo de emerxencias 112, brigadistas, bombeiros, axentes forestais. Ofereceron unha conferencia de imprensa conxunta esta sexta feira.

Edelmiro López Iglesias (Bilbao, 1960) foi o único galego que formou parte, a proposta dos rectores das universidade portuguesas, da comisión técnica sobre os incendios da Assembleia da República de Portugal que vén de rematar os seus traballos. Profesor de Economía Aplicada e alto cargo da Consellaría de Medio Rural durante o bipartito, ten claro que o problema do lume é de fondo. Só un Goberno galego "con enerxía" pode facer a política precisa para solucionalo.

Denúnciao a CIG, que lembra que estes aparatos son de empresas privadas. Calcula que o custo por hora oscila entre os 2.833 euros dun Sokol aos 1.695 euros dun B3, ao que hai que engadir os 1.500  que custa alzar o voo de calquera helicóptero.

‘Cousa de raíces’ -que representa 60 organizacións, colectivos e entidades- chama a apoiar esta iniciativa lexislativa popular a tdas aquelas persoas que aposten no “bosque autóctono” e nun “mundo rural multifuncional e sustentábel”.

A vaga de lume que afectou Galiza esta fin de semana pon sobre a táboa unha realidade que se vén fraguando desde hai tempo: un cambio na tipoloxía de incendios, cun lume cada vez máis devastador.

O colectivo de extrema dereita afirma que trae axuda “para quen o perdeu todo” na vaga de lumes.

Unha enormidade. En xuño a Xunta apresentou o Pladiga para esta campaña co obxectivo de non se superar as 15 mil hectáreas ardidas. Pois ben, esta fin de semana, a máis negra da historia recente do país, as lapas devoraron un total de 35.000 hectáreas, segundo informou, e non foi sen tempo, a Consellaría de Medio Rural.

O presidente da Xunta volveu negar que houbese precariedade de medios para combater os incendios e reiterou o argumentario do “terrorismo” incendiario. Aproveitou, de paso, para acusar algúns concellos de “non querer” brigadas municipais financiadas pola Xunta e dicir que a oposición empregaba “politicamente” a xente nas manifestacións.