Manuel Barreiro
14/out./22 16:59
Músico, guionista, cineasta e case calquera cousa que se propoña, Fermín Muguruza (Irun, 1963) é unha desas personalidades desbordantes. Vén de estar na Galiza presentando Black is Beltza II: Ainhoa, obra de banda deseñada que se editou en galego, euskera, catalán e español á vez. Muguruza é un referente da cultura popular dos últimos corenta anos. Fala claro, firme, mira aos ollos, desborda a vitalidade e a forza dos retrousos inesquecíbeis dos seus himnos, di o que pensa e argumenta co coñecemento de anos de lecturas e vivencias. Tan recto e organizado como amábel e xeneroso no trato, a conversa é un gozo dos sentidos e das emocións.