Eleccións municipais 2019

A portavoz nacional do BNG, Ana Pontón, participou no mitin celebrado pola súa formación na capital galega, xunto a candidata ao Parlamento Europeo, Ana Miranda, e a alcaldábel nacionalista Goretti Sanmartín. “Non queremos retroceder, nin repetir catro anos de ineficacia e parálise” afirmou Pontón, quen puxo como exemplo para Compostela o modelo transformador que fai o BNG onde goberna.

No concello de Ourense preséntase a candidatura de Unidas Podemos-Esquerda Unida ás eleccións municipais. A lista encabézaa David Alvarado Roales, politólogo, consultor internacional e xornalista. Este ourensán nado en 1978 formouse na Galiza e viviu en Rabat entre 2003 e 2018, onde compaxinou as súas tarefas académicas e de investigación coa actividade informativa. Responde este cuestionario vía correo electrónico.

26 de maio, eleccións municipais e europeas. Apenas un mes despois dun 28A que fixo abalar a hexemonía do PP na Galiza. Falamos con responsábeis das diferentes organizacións para que nos expliquen cales van ser ao seu entender as chaves dunha campaña que camiña cara ao seu ecuador. Eis un extracto da reportaxe publicada no número 346 do semanario en papel Sermos Galiza.

O concello de Carballo foi tremendamente castigado a nivel urbanístico na década dos 60 pola especulación. Desde a chegada do BNG ao goberno municipal en 2003, un dos piares nos que traballaron foi en reverter esta problemática rehumanizando o entorno. Dentro desta liña de actuación política lanzouse o proxecto Derrubando muros con pintura, que hoxe é unha cita recoñecida a nivel internacional no campo da arte urbana.

Martiño Vázquez Mato é o candidato á alcaldía da cidade das Burgas por Ourense en Común. Defende o municipalismo e os concellos como espazos onde atender as demandas da rúa e onde introducir outra forma de facer política, poñéndoa “ao servizo de” e non “en beneficio de”, sinala neste cuestionario que respondeu a través do correo electrónico.

Rafael Villarino naceu en Ourense e é licenciado en Psicoloxía e doutor pola UVigo. Traballa como profesor na facultade de Ciencias da Educación do campus universitario da cidade das Burgas. É o secretario provincial do PSdeG e candidato á alcaldía de Ourense.

Ana Pontón comprometeuse desde Lugo a pular por dotar os concellos de plans de igualdade transversais que incluirán á súa vez cláusulas de igualdade na contratación pública. Ademais tamén traballarán para que nas empresas non haxa ningunha práctica discriminatorias cara ás mulleres.

Etelvino Blanco preséntase á alcaldía da cidade das Burgas por Ourense Mellor. Ademais de ser coñecido polo seu labor sindical, implicouse en diversas plataformas cidadás como a Pro Campus Digno Ourense, que conseguiu que se implantase o campus universitario na cidade. Responde este cuestionario vía correo electrónico.

As necesidades e fortalezas do concello de Ourense son ben coñecidas por Xosé Lois González. O ourensán creador do Carrabouxo e comprometido con cen mil causas xustas na Galiza salienta cales son as prioridades da cidade das Burgas e os retos do país perante os comicios europeos.  

A ordenanza municipal da Coruña para a igualdade na diversidade impulsada pola Marea Atlántica contou co apoio unánime dos grupos políticos no pleno. Con ela procúrase elevar a igualdade como un compromiso principal do concello, agora e no futuro, goberne quen goberne.

Luís Seara encabeza a candidatura do Bloque Nacionalista Galego co obxectivo de recuperar unha representación determinante no concello de Ourense. Seara é diplomado en Maxisterio e foi concelleiro e portavoz do BNG na Merca durante doce anos. Participa activamente como activista social en diferentes plataformas e preséntase por primeira vez como candidato á alcaldía de Ourense, cidade onde vive. Responde o cuestionario vía correo electrónico.

Pedro Sánchez voltou a Galiza inmerso na nova campaña electoral das europeas e municipais. Pese aos malos resultados que as enquisas auguran para as dereitas españolas, Sánchez continúa apelando ao voto útil fronte a suma nos concellos de Vox, Ciudadanos e PP.

Un duplo fracaso do PP nas urnas do 26 de maio pode ser fatal para Pablo Casado após a perda histórica sufrida nas eleccións xerais. Pola contra, e pese a colleitar os peores resultados da historia do PP en Galiza, despunta outra vez o nome de Alberto Núñez Feixoo como novo relevo en Madrid.

Ningunha das oito bandas e artistas confirmadas para as actuacións das festas do verán de Vigo son galegas. Ante o anuncio de Abel Caballero deste cartel de estrelas sen rastro de grupos propios, o candidato do BNG á alcaldía de Vigo envioulle unha lista de Spotify de 31 artistas da Galiza “para que saia do seu descoñecemento”.

Carlos Anxo Portomeñe Pérez (Lugo, 1968) é o candidato de Alternativa Cidadá de Esquerdas-Esquerda Unida á Alcaldía de Lugo. Actual concelleiro e portavoz do grupo municipal de ACE-EU é artesán e escultor. Entrou no Consello Político Federal de Izquierda Unida en 2000 e no Comité Federal do Partido Comunista de España en 2002. Responde a este cuestionario a través do correo electrónico. 

O boi é todo un símbolo de Allariz e protagonista da súa maior festa popular. Mais desde hai seis anos, o boi tamén é unha iniciativa pioneira do concello que, apostando pola súa crianza, está a xerar emprego, produce carne de calidade e mantén a superficie forestal limpa para evitar incendios.

Xosé Chorén é o candidato de Lugonovo -a organización afín a En Marea- á alcaldía de Lugo nas próximas eleccións municipais. Nado en Taboada, é veciño da Milagrosa desde hai anos. “Lugo é a cidade que escollín para formarme no ámbito das Relacións Laborais e tamén para vivir e traballar”, explica. Actualmente é Xefe de Sector das Oficinas de Correo do noroeste da Galiza. Vencellado ao sindicalismo e ao activismo político, foi concelleiro durante un mandato, na Corporación local de 2007 a 2011, co BNG. Responde a este cuestionario vía correo electrónico.

Gonzalo Caballero conversou esta mañá en Ourense co ex presidente do Congreso e ex lehendakari, Patxi López. Ambos chamaron a xuntar o voto no PSOE para evitar que a ultradereita teña forza no Parlamento Europeo.

Entre os principais obxectivos que o BNG se marcou para estas eleccións municipais atópase o de regresar ao Concello de Vigo. Insistiu esta mañá a súa portavoz nacional, Ana Pontón, quen vaticinou que os nacionalistas volverán ao pleno despois de quedar fóra hai catro anos. “Moitos dos mellores proxectos desta cidade levan a pegada nacionalista”, afirmou.
 

Ramón Carballo Páez é o candidato do PP á Alcaldía de Lugo. Sinala que se postulou como aspirante "porque estou convencido de que é necesario cambiar a dinámica de parálise e o déficit de xestión que hai no Concello de Lugo". Ten 59 e é "veterinario de profesión e político por devoción". Responde este cuestionario a través do correo electrónico.