Eleccións europeas 2019

A actriz e cantante Iria Pinheiro considera moi importante participar nas eleccións europeas xa que a implicación na comunidade, di, “é fundamental para que se produzan cambios”, pese a sentirse pouco ou nada integrada nunha Europa que se esquece da Galiza e das persoas. Considera o feminismo como o reto principal a nivel social e político.

Ana Miranda (Cuntis, 1971), candidata do BNG ao Parlamento Europeo, é xurista experta en dereito comunitario, coas especializacións realizadas en Dereito Europeo nas universidades da Coruña e Louvain-la-Neuve e posúe unha longa experiencia na Eurocámara. Na última lexislatura, o seu traballo destacou pola defensa das rías galegas, da pesca, da memoria e das afectadas e afectados polo accidente de Angrois.Responde este cuestionario a través do correo electrónico.

O escritor Manuel Rivas e a eurodeputada do BNG Ana Miranda desenvolveron unha acción de protesta a bordo do barco Primeiro Vilar para demandar unha solución aos 220.000 bidóns que conteñen residuos radioactivos diante das costas galegas. Denuncian que se atopan descontrolados baixo a inacción do Estado español por considerar este cemiterio nuclear fóra das súas competencias.

Lídia Senra (A Pobra do Brollón, 1958) é candidata de En Marea-Compromiso por Europa (CPE) ás eleccións europeas do próximo 26 de maio. Nesta lexistaltura foi eurodeputada no Grupo Confederal da Esquerda Unitaria Europea/Esquerda Verde Nórdica (GUE/NGL). Responde este cuestionario a través do correo electrónico.

O número do PSOE na candidatura ao Parlamento europeo é Nicolás González Casares (1972), natural de Lalín, quen salienta neste cuestionario o "río de solidariedade en forma de máis de 24.000 millóns de euros de fondos europeos que están detrás do proceso de modernización e avance experimentado por Galiza".

Francisco José Millán Mon (Pontevedra, 1955) é desde 2004 deputado do Parlamento Europeo polo PP. Licenciado en Dereito pola USC, este diplomático de carreira aspira a recuncar o seu escano en Bruxelas.

A escritora Marilar Aleixandre alerta ante a dupla cita electoral do 26 de maio sobre os perigos que entraña o ascenso da extrema dereita en Europa e considera preciso dar un xiro social á UE, apuntalando o estado do benestar e os servizos públicos.

O secretario xeral de Podemos volveu visitar Vigo nunha nova campaña electoral. No mitin celebrado nesta cidade, Pablo Iglesias cargou contra as doazóns do empresario multimillonario Amancio Ortega e defendeu a sanidade pública.

A comunicación electoral que Ciudadanos envía a todos os domicilios pula por rematar coa protección formal da lingua galega e “parar os nacionalismos”. Mentres, as dúas cartas de Pablo Casado que o PP envía en sobres separados, unha con motivo das europeas e outra das municipais, están redactadas unicamente en español.  

O medio, a enerxía e as fronteiras son os principais retos que afronta Europa a ollos da artista e música Guadi Galego, quen avoga por unha maior implicación do continente en crear un modelo internacionalista, social e sostíbel para salvar o planeta en lugar de manter o modelo da UE dos estados e o capital.

Nun ateigado Teatro Principal de Ourense, Ana Pontón chamou a votar BNG para entrar con forza no concello como aposta por un cambio real a favor das persoas.

Xunto as 18 representantes do PSdeG no Congreso e no Senado, Gonzalo Caballero anunciou desde Madrid un medre en votos para a súa formación nas eleccións municipais e unha nova caída do PP.

O editor e escritor Manuel Bragado considera necesario recuperar “a utopía europeísta” fronte a UE actual. Pula por un marco “baseado na igualdade, a diversidade” e a libre circulación de persoas como espazo colectivo para unha nación galega que exerza a súa soberanía.