cultura

É un músico capaz de encher estadios para escoitar a súa reconstrución de The Wall, o mítico dobre disco de Pink Floyd. Roger Waters (Surrey, 1943), baixista e compositor, un dos fundadores da lendaria banda psicodélica devida en sinfónica, chamou esta segunda feira a “parar o golpe de Trump en Venezuela”.
 

Verbas de Auga é o espectáculo que a cantautora Paloma Suanzes presentará o vindeiro 9 de febreiro, sábado, na Casa Museo Manuel María, en Outeiro de Rei. Será ás oito do serán e con entrada de balde.
 

Kalte Sonne circula por lugares musicais pouco transitados. Nin sequera no metal, xénero dado ao extremismo sonoro e, nalgunhas zonas, á investigación formal. Formada en Lugo en 2013, a banda dedícase a ese peculiar subxénero que responde á etiqueta de sludge metal. Agora presenta disco, compartido cos chineses Alpaca.
 

A máis veterana das revistas literarias galegas, Dorna, vén de publicar o seu número anual, o 41. Poesía, narrativa curta, tradución, escrita dramática e poéticas compoñen este repositorio de voces novas e consagradas situadas en pé de igualdade.
 

Entre o 17 de maio de 1963, cando un grupo de galeguistas decidiron conmemorar un século da publicación de Cantares Gallegos, e o de 2011, dedicado ao poeta Lois Pereiro, transcorreu medio século de homenaxes. La letteratura galega. Autori e testi pércorreo para o lectorado italiano.
 

“Onde eu vivo viven polacos, italianos, rusos. Ninguén sabe quen son eu, nin que existe Galiza a miña patria”. E, porén, Francisco Álvarez, Koki (A Guarda, 1957), residente en Nova York desde hai décadas, resístese. “Na nosa casa fálase galego, sexa na Galiza, en Nova York ou na China”. E escríbese, porque Koki é poeta e o seu último libro titúlase A memoria das palabras (Edicións Fervenza, 2018).
 

O pasado 22 de decembro, ao caer da tarde, unha estraña, singular romaría atravesou Compostela. Músicos, teatreiros, espontáneas, algún rostro coñecido pola televisión, simples amantes da troula, celebraban Roberto Vidal Bolaño, a súa vida, a súa obra, a súa ollada sobre a cidade. A procesión da Santa Bolaña volvía á améndoa histórica da capital.
 

“Promover, fomentar e difundir a arte como encontro”. Velaquí o obxectivo expreso de Enredadas, o espectáculo de coplas e alás que ofrecerán o 9 de marzo en Compostela Martirio, Uxía, Carmen París e Ugia Pedreira.

O que algunha crítica atinou a sintetizar como Novo Cinema Galego continúa á conquista de novos territorios. Unha das últimas fronteiras atravesadas é a da muller: as cineastas ocupan posicións cunha serie de filmes que o pasado ano inzaron festivais e carteleiras. A cuarta edición da Escolma de Cinema Galega de Sarria céntrase no fenómeno.
 

As 33 obras de teatro escritas por Manuel María están, desde hai uns meses, dispoñíbeis nun só volume. Encargouse de recompilalas e editalas a profesora Pilar García Negro. De publicaras, a casa museo do escritor, localizada en Outeiro de Rei. Esta quinta feira, ás 20.30, García Negro e o secretario da fundación Manuel María presenta esta obra dramática completa en Foz.
 

A súa proposta, incardinada na nación alternativa que realimentou o rock estadounidense nos noventa, é singular. Intensa e confesional, Eels son en realidade o seu cantante, compositor e letrista: Mark Oliver Everett. Estarán por primeira vez en Galiza o oito de setembro, en Santiago de Compostela.
 

“A lenda da BD galega di que rara é a revista que supera o número 1”, afirma o editorial do segundo número da Viñeta de Schrödinger, “a maior parte das veces as publicacións de banda deseñada rematan pechando”. E, porén, aquí está o segundo número da única publiación periódica dedicada ao cómic galego.
 

“Unha actividade pensada para axudar a desenvolver o talento de novos valores na literatura galega”. Así define a Xunta o Obradoiro de Novela Cidade de Cultura que a fundación que xestiona o complexo vén de anunciar e que se desenvolverá entre o 1 de marzo e o 7 de xuño.
 

Antonio Fraguas. O bo mestre, o mestre bo é unha das primeiras achegas á figura homenaxeada no Día das Letras Galegas de 2019. Nesta biografía orientada a lectoras novas, Héctor Cajaraville rescata quen, ao seu ver, “foi o personaxe de maior repercusión do mundo da cultura no século XX”.
 

Cando se publicou por primeira vez en 1982, O Triángulo inscrito na Circunferencia foi saudada como peza chave da renovación da novela galega após a ditadura. Trinta e sete anos máis tarde, Galaxia reedita o debut de Víctor Freixanes, unha epopea que ignora as lindes entre a realidade e a ficción.

Un dos máis universais clásicos de William Shakespeare estréase esta sexta feira, 25 de xaneiro, no Teatro Rosalía de Castro da Coruña (20.30 horas). Macbeth, en versión galega do histórico dramaturgo Manuel Lourenzo, subirá ás táboas da man de Estudo Momento.
 

O estado da lectura en galego é “delicadísimo”. Ese é o adxectivo escollido pola Asociación Galega de Editores (AGE) para cualificar os datos do Barómetro de Hábitos de Lectura e Compra de Libros do Gremio de Editores estatal segundo os que só 4% das persoas elixe o galego como lingua de lectura.
 

É unha das bandas máis recoñecidas do panorama musical en euskera. Nos seus inicios, hai xa un cuarto de século, transitou sonoridades próximas ao denominado metal alternativo. Mais nunca parou quieta. Agora Berri Txarrak di adeus coa xira Ikusi Arte Tour 2019, que o 16 de marzo parará en Santiago de Compostela.
 

A gran gala do teatro galego será o vindeiro 21 de marzo no Teatro Rosalía da Coruña. Trinta e dous espectáculos e máis de 300 profesionais optan aos premios de teatro María Casares que, organizados pola Asociación de Actores e Actrices de Galiza, atinxen a súa edición número 23.
 

Maraxe e Ricardo Seixo ofrecerán, esta quinta feira ás 20.30 horas en Foz, un recital de poesía e música tradicional.