Bernardo Atxaga

O programa ofrece, entre unha multitude de actos, a primeira análise da industria musical galega, adiantos de películas que se estrearán nos próximos meses, ou o primeiro episodio do podcast de Paula Carballeira e Berrobambán 13 Avisos. Historias para escoitar á noite.

Escritor Galego Universal en 2014 e Premio Nacional das Letras Españolas en 2019, o vasco Bernardo Atxaga é unha figura de referencia da literatura contemporánea en diferentes formatos e rexistros, autor de libros memorábeis que van de Obabakoak e Memorias dunha vaca a Sete casas en Francia, entre outras. Visita Galiza para presentar no Culturgal Exteriores do paraíso (Kalandraka), obra que transcende etiquetas e que mostra a súa capacidade para captar detalles reveladores da condición humana.

Entrevistamos o escritor vasco, achegámonos Á Fonsagrada ea súa foliada e achegámonos á exhumación dos restos de Francisco Miguel . Tamén falamos das últimas novidades do panorama literario, musical e cinematográfico. E moito máis!